Վանաձորի, Գյումրու և Լեհաստանի Պիլա քաղաքների համայնքապետարանների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ) ծրագրի նախաձեռնությամբ իրականացվող ծրագրի շրջանակում նախատեսվում է Վանաձոր և Գյումրի համայնքներում ներդնել աշխարհագրական տեղեկատվական համակարգ (GIS): 

Աշխարհագրական տեղեկատվական համակարգի հիմնական նպատակն առանձին վարչատարածքային միավորների տնտեսության վիճակի ու բնական ռեսուրսների վերաբերյալ, այդ թվում` հողային, ջրային, անտառային ռեսուրսների, օգտակար հանածոների, տնտեսական զարգացման, արդյունաբերական և գյուղատնտեսական ձեռնարկությունների, անշարժ գույքի, բնակչության տեղաբաշխման, ճանապարհային ցանցի ու ենթակառուցվածքների այլ տարրերի, էկոլոգիական վիճակի, բնական և տնտեսական ռեսուրսների արդյունավետ կառավարման համար անհրաժեշտ հավաստի և ամբողջական տեղեկատվություն ունենալն է:

Աշխարհատեղեկատվական համակարգերը հնարավորություն են տալիս իրականացնել տարածական տվյալների ենթակառուցվածքի թվայնացման, բազայի ստեղծման, մոդելավորման, ինտեգրման, համակարգման ու կառավարման աշխատանքներ: