Եվրոպական միության ռեգիոնների կոմիտեն ստեղծել է փորձի փոխանակման հարթակ, որտեղ եվրոպական քաղաքներն ու ռեգիոնները ներկայացնում են իրենց հաջողված փորձը COVID-19 համավարակի դեմ պայքարում: Այս հարթակն արդեն մեծ մասսայականություն է վայելում, որն օգտակար է, քանի որ դրա միջոցով քաղաքներն ու ռեգիոնները տեղակացնում են, թե ինչ լրացուցիչ քայլեր են ձեռնարկում համավարակի դեմ պայքարում:

 

Մադրիդի փորձը

Մադրիդի քաղաքապետարանը ներկայացնում է, թե ինչ տնտեսական քայլեր է ձեռնարկել համավարակի հետևանքները մեղմելու համար: Քաղաքապետարանը նախաձեռնել է վարձակալության ծառայություն կորոնավիրուսի վարակակիրների համար:

 Նաև քաղաքապետարանը հանդես է եկել կորոնավրուսի վարակակիրներին օգնության նախաձեռնությամբ: Նրանց շրջանում կատարվում է ուսումնասիրություն պարզելու, թե որ վարակակիրներն են խոցելի իրավիճակում: Ընտրության այս գործընթացում քաղաքապետարանը հանդես է գալիս որպես միջնորդ՝ բավարարելով բոլոր խոցելի խմբերի շահերը: Մադրիդի քաղաքապետարանը և համապատասխան ռեգիոնի ղեկավարությունը ստեղծել են միասնական ֆինանսական աջակցության պլան փոքր և միջին ձեռնարկությունների և այսպես կոչված ինքնազբաղված անձանց համար, որպեսզի օգնեն նրանց հաղթահարել համավարակի պատճառով կրած վնասները:

Լեհաստանի Մոսինա քաղաքի փորձը

Մոսինայի քաղաքապետարանը ձեռներեցներին օգնելու համար ուսումնասիրություն է կատարել մասնավոր բիզնեսի շրջանում և առաջարկել հարկերի թեթևացում, կրճատումներ կամ վճարումների հետաձգումներ: Ավագ տարիքի քաղաքացիների համար մարտի 30-ից սկսած կամավորների օգնությամբ Կարիտասի հետ համագործակցաբար քաղաքապետարանը տրամադրում է օգնություն՝ ըստ որի կամավորները տարեցների համար սնունդ են գնում, դեղեր, որպեսզի նրանք ստիպված չլինեն տնից դուրս գալ: Այս ծառայությունից օգտվելու համար քաղաքի բնակիչները կարող են գրանցվել հեռախոսազանգի միջոցով:

Լեհաստանի Ստորին Սիլեզիայի և Սաքսոնիայի ռեգիոնի (Գերմանիա) միջսահմանային համագործակցության օրինակ COVID-19 համավարակի պայմաններում

Ապրիլի 22-ին Սիլեզիան իր գործընկեր Սաքսոնիայի ռեգիոնից ստացավ 100.000-ից ավելի դիմակներ: Այս համագործակցությունը նաև շարունակվեց վարակի թեստավորման հարցում: Լեհաստանի հարյուրավոր քաղաքացիների բժշկական նմուշներ թեստավորվում և ուսումնասիրվում են Գերմանիայում՝ Դրեզդենի լաբորատորիաներում:

Եվրոպական միության ռեգիոնների կոմիտեն հորդորում է համայնքներին իրենց լավագույն փորձն ուղարկել այս հասցեին [email protected]: