Որքանո՞վ էին արդյունավետ գործում ՏԻՄ-երը COVID-19 համավարակի տարածման օրերին. այս և այլ հարցերով վեբինար

Որքանո՞վ էին արդյունավետ գործում ՏԻՄ-երը COVID-19 համավարակի տարածման օրերին. այս և այլ հարցերով վեբինար

04.08.2020

Որքանո՞վ էին արդյունավետ գործում ՏԻՄ-երը COVID-19 համավարակի տարածման օրերին, ո՞ր երկրներում ինչ կանխարգելիչ միջոցառումներ են ձեռնարկվել: Այս և այլ թեմաներ քննարկվեցին օգոստոսի 4-ին տեղի ունեցած «COVID-19․մարտահրավերներ տեղական իշխանությունների համար» թեմայով վեբինարի ընթացքում:

Այն վարեցին Հայաստանի համայնքների միության նախագահ, Եվրոպայի խորհրդի տեղական ու տարածքային իշխանությունների կոնգրեսի փոխնախագահ Էմին Երիցյանը, Եվրոպայի խորհրդի փորձագետ Արտակ Երգենյանը, փորձագետ, իրավաբանական գիտությունների թեկնածու Վահագն Պետրոսյանը:

Վեբինարն անցկացվեց Հայաստանի համայնքների միության կողմից  Վիշեգրադի միջազգային հիմնադրամի աջակցությամբ իրականացվող  «Համագործակցություն քաղաքների կայուն զարգացման ուղղությամբ. ընդհանուր մարտահրավերներ, ընդհանուր լուծումներ» ծրագրի շրջանակներում:

Ծրագրի գործընկերներն են Լեհաստանի քաղաքների ասոցիացիան, Սլովակիայի քաղաքների միությունը, Հունգարիայի տեղական իշխանությունների ազգային ասոցիացիան, Չեխիայի Ռադլոյի քաղաքապետարանը:

Նպատակն է աջակցել համայնքներին քաղաքական պաշտոնյաների և աշխատակազմերի կարողությունների զարգացման հարցում:

Քննարկման ընթացքում անդրադարձ կատարվեց COVID-19-ին՝ որպես մարտահրավեր, որին տեղական իշխանությունները պետք է արձագանքեն իրենց կարողություններով: Անդրադարձ կատարվեց այն հարցին, թե տեղական իշխաննություններն ինչ դասեր պիտի քաղեն, որ ավելի մեծ կարողություննեով, լայն լիազորություններով հանդես գան:

Փորձագետները պրեզենտացիայի միջոցով ներկայացրին, թե ինչ խնդիրներ առաջացրեց համավարակը համայնքների համար՝ վարչարարությունից զրկված լինելու խնդիրները, կենսական նշանակության ծառայություններ, բնակչության իրազեկվածության պակաս: Արձանագրվեց, որ մարտ-հունիս ամիսներին համավարակի պատճառով համայնքները կայուն կենսագործման տեսակետից առավել խոցելի վիճակում էին:

Անդրադարձ կատարվեց COVID-19-ի ընթացքում ՏԻՄ պատասխանատվության շրջանակներին, թե համավարակն ինչ ազդեցություն է թողել ՏԻՄ-երի ֆինանսների և դրանց կառավարման վրա:

Փորձագետները փաստեցին՝ օրենսդրական, իրավական առումով  արագ քայլերի անհրաժեշտություն կա:

Վեբինարի մասնակիցները նաև հարցեր հղեցին փորձագետներին:

Նշենք, որ հուլիսի 15-ից սկսած Հայաստանի համայնքների միությունը կազմակերպեց վեբինարների շարք «Տեղական ինքնակառավարման արդիական իրավական հիմնահարցերը ՀՀ-ում», «Տեղական ինքնակառավարման Եվրոպական Խարտիան և տեղական ժողովրդավարության վիճակը Հայաստանում», «COVID-19․ Տեղական իշխանությունների համար առկա իրավական շրջանակները և պրակտիկ խնդիրները» թեմաներով:

Վեբինարների ընթացքում բարձր ակտիվություն և նախաձեռնողականություն դրսևորած ծրագրի կողմից ընտրված մասնակիցները ճանաչողական այցով կմեկնեն Լեհաստան ուսումնասիրելու տեղական փորձը:


ՆՈՐՈՒԹՅՈՒՆՆԵՐ

Ստեփանակերտում հրթիռն ընկել է բնակելի տան վրա, զոհվել է քաղաքացիական 3 անձ
Ստեփանակերտում հրթիռն ընկել է բնակելի տան վրա, զոհվել է քաղաքացիական 3 անձ

14:28

06 11 2020

Նոյեմբերի 6-ին Ստեփանակերտում հրթիռն ընկել է բնակելի տան վրա, զոհվել է քաղաքացիական 3 անձ:

 Հրթիռակոծություն Ստեփանակերտում և Շուշիում. քաղաքացիական բնակչության շրջանում կան վիրավորներ
Հրթիռակոծություն Ստեփանակերտում և Շուշիում. քաղաքացիական բնակչության շրջանում կան վիրավորներ

14:19

31 10 2020

Հոկտեմբերի 31-ի առավոտյան՝ ժամը 07:08-ի սահմաններում, Ադրբեջանը, խախտելով Ժնևում՝ խաղաղ...

Լյուքսեմբուրգը 100 հազար եվրո է տրամադրում ԼՂ-ում տուժած անձանց օգնելու համար
Լյուքսեմբուրգը 100 հազար եվրո է տրամադրում ԼՂ-ում տուժած անձանց օգնելու համար

11:40

29 10 2020

Լյուքսեմբուրգի արտաքին գործերի նախարարության «Թվիթեր»-ի էջից տեղեկանում ենք, որ...

ԵՄ-ն անընդունելի է համարում քաղաքացիական բնակավայրերի թիրախավորումները. հայտարարություն
ԵՄ-ն անընդունելի է համարում քաղաքացիական բնակավայրերի թիրախավորումները. հայտարարություն

11:10

29 10 2020

Եվրոպական Միությունն (ԵՄ) անընդունելի է համարում, որ Ռուսաստանի, Ֆրանսիայի և ԱՄՆ-ի...

Ադրբեջանը հրթիռակոծել է Ստեփանակերտի ծննդատունը և բնակելի ու հանրային տարբեր հատվածներ
Ադրբեջանը հրթիռակոծել է Ստեփանակերտի ծննդատունը և բնակելի ու հանրային տարբեր հատվածներ

16:18

28 10 2020

Ադրբեջանական զինված ուժերը հոկտեմբերի 28-ին ավելի քան 15 անգամ հարվածել է Ստեփանակերտի և Շուշիի...