Հայաստանի Արթիկ և Ուրցաձոր համայնքներում տեղի ունեցավ «Քաղաքացիների ներգրավումը տեղական քաղաքականության մշակման գործընթացում. գործընկերների միջև փորձի փոխանակում» թեմայով քննարկումներ, որոնք կազմակերպել էր Եվրոպայի խորհրդի Տեղական և տարածքային իշխանությունների կոնգրեսը:

Քսաներեք համայնքային առաջնորդներ` համայնքի ղեկավարներ, ավագանու և աշխատակազմի անդամներ, համայնքի երիտասադ ակտիվիստներ, քաղաքացիական հասարակության և համատիրության ներկայացուցիչներ, մասնակցեցին գործընկերային քննարկմանը: Մասնակիցները, որոնցից տասներեքը կանայք էին, ներկայացնում էին Հայաստանի տարբեր մարզերը և նոր բազմաբնակավայր համայնքները: Քննարկմանը ներգգրավել էին նաև Կոնգրեսի պատվիրակներ Սերբիայից և Հյուսիսային Իռլանդիայից, ինչպես նաև, տեղական և միջազգային փորձագետներ:

Քննարկումների նպատակն էր Արթիկ, Ուրցաձոր, Վարդենիկ, Ախթալա համայնքների շահակիր կողմերի հետ գնահատել քաղաքացիների մասնակցության նախաձեռնությունների արդյունքները, փոխանակել և տարածել քաղաքացիների մասնակցության ոլորտում ձեռք բերված հաջողությունների, մարտահրավերների և քաղված դասերի վերաբերյալ լավագույն փորձը, հզորացնել փոփոխության ձգտող առաջնորդների ցանցը Հայաստանում` մասնավորապես համայնքներում:   

Միջոցառումը կազմակերպվել էր Երևանում Եվրոպայի խորհրդի գրասենյակի կողմից ՀՀ տարածքային կառավարման և զարգացման նախարարության հետ համագործակցությամբ` Դանիայի կառավարության կողմից ֆինանսավորվող «Աջակցություն Հայաստանում տեղական ժողովրդավարության ամրապնդմանը» ծրագրի շրջանակներում: