Տեղեկանքից մինչև դրամական օգնություն. Հայանիստի համայնքապետարանը՝ համայնքի բնակչի կողքին
15.04.2020
«Փորձում ենք օգնել համայնքի բնակիչներին ինչով կարող ենք: Եղել են դեպքեր, երբ համայնքի բնակիչները դիմել են մեզ՝ կարիքի մեջ, համայնքապետարանը գումարով է աջակցել, որպեսզի կարողանան սննդի հարց լուծել»,-«Համայնքներն արտակարգ դրության օրերին» նախաձեռնության շրջանակներում մեզ հետ զրույցում պատմեց ՀՀ Արարատի մարզի Հայանիստ համայնքի ղեկավար Բալաբեկ Սարկիսյանը:
Նշենք, որ համայնքի ղեկավարը շատ դեպքերում անձամբ է զբաղվում համայնքում ախտահանման աշխատանքներով:
Նա պատմեց, որ համայնքապետարանը, համայնքի խանութներն ախտահանում են քլորով, ախտահանիչ նյութերը, ալկոգելերը տեղադրված են համայնքապետարանի բոլոր սենյակներում, միջանցքներում: Բացի այս համայնքը բնակիչների կողքին է տարբեր այլ կազմակերպչաման հարցերում ՝ տեղեկանքից սկսած մինչև աջակցություն, թե ինչպես դիմեն կառավարության սոցիալական ծրագրերին: Համայնքի ղեկավարը մանրամասնեց. «Եթե կարիք է լինում, համայնքի բնակիչը չի կարողանում տեղեկանք ձեռք բերել, մենք օգնում ենք, և տեղեկանքը հասցնում տուն»:
Խոսելով սոցիալական աջակցությունից՝ համայնքի ղեկավարն ասաց. «Հայտարարություն ենք տարածել, որ օգնության կարիք ունեցող բնակիչները դիմեն մեզ: Ովքեր կարիք են ունեցել, համայնքապետարանինեն դիմել, համայնքապետարանը նրանց օգնել է: Օգնության կարիք ունեցողները դիմել են մեզ, մենք գումար ենք տրամադրել՝ 15.000, 20.000, 25.000 դրամ, որ մարդիկ սննդի հարց լուծեն, քանի որ հիմա շատերը չեն աշխատում. իրավիճակն է այդպիսին»:
Համայնքապետարանը բնակիչներին օգնում է նաև խորհրդատվությամբ, թե ինչպես դիմեն սոցիալական ծրագրերի: Համայնքի ղեկավարն ասաց, որ իրենք նաև էլեկտրոնային մեյլերի միջոցով տեղեկություններ են հավաքում համայնքի՝ սոցիալապես անապահով ընտանիքների մասին և տրամադրում մարզպետարանին, որպեսզի հետագայում նրանց ընդգրկեն տարբեր սոցիալական աջակցության ծրագրերում:
Համայնքի ղեկավարը հայտնեց՝ բնակիչներից մի քանիսը վարակվել են Երևանում գտնվող կարի արտադրամասում, և այս պահին թե′ նրանք, թե′ նրանց շփման շրջանակի մարդիկ մեկուսացված են:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ