Եվրոպայի խորհրդի տեղական և տարածքային իշխանությունների կոնգրեսն (ԵԽ Կոնգրես) Ընթացիկ հարցերի հանձնաժողովի նիստի ընթացքում ընդունեց երիտասարդների աշխատանքի վերաբերյալ զեկույց: 

Փաստաթղթի համահեղինակներն են Կոնգրեսում ՌԴ պատվիրակության անդամ Իլսուր Մետշինը և Շվեդիան ներկայացնող պատվիրակ Թոմաս Անդերսոնը:

Իլսուր Մետշինը նշեց, որ երիտասարդական աշխատանքը կարող է սահմանվել որպես երիտասարդների մասնակցություն այնպիսի գործողությունների իրականացում, որոնք ամրապնդում են իրենց գիտելիքները և հմտությունները ՝ օգնելով երիտասարդներին լինել ակտիվ և ինքնավար քաղաքացիներ: Նա նաև հավաստիացրեց՝ Կոնգրեսի կողմից իրականացվող երիտասարդ պատվիրակների ծրագիրը ցույց է տալիս, որ երիտասարդական աշխատանքը կարող է երիտասարդներին ուղղորդել դեպի միջազգային մակարդակ, բայց հիմքերը դրվում են տեղական մակարդակում:

Զեկույցում երիտասարդները համարվում են կարևոր գործընկերներ հանրային իշխանությունների համար, ինչը նշանակում է, որ պետք է ապահովվեն կյանքի և աշխատանքային այնպիսի պայմաններ, որոնցում հնարավոր է իրականացնել երիտասարդների արդյունավետ աշխատանքը: ԵԽ Կոնգրեսի Ընթացիկ հարցերի հանձնաժողովի ընդունած բանաձևը կոչ է անում տեղական և տարածաշրջանային իշխանություններին երկխոսության մեջ լինել երիտասարդների հետ, մշակել և իրականացնել նորարարական երիտասարդական քաղաքականություն և ներդնել բավարար մարդկային և ֆինանսական ռեսուրսներ`երիտասարդ աշխատողներին վերապատրաստելու համար, ստեղծել նրանց զարգացման համար համապատասխան հարթակ: 

Փաստաթղթով նաև ընդգծվում է մեկուսացված և անապահով երիտասարդությանը հատուկ ուշադրություն դարձնելու կարևորությունը:

Համազեկուցող Թոմաս Անդերսոնը նշեց՝ Տեղական և տարածաշրջանային իշխանությունները պարտավոր են աջակցել բոլոր երիտասարդներին և հնարավորություն տալ նրանց պլանավորել իրենց ապագան: Ըստ նրա՝ երիտասարդական աշխատանքին անհրաժեշտ է որակի ապահովման լավ հարմարեցված համակարգ`հիմնված հստակ ցուցանիշների և նպատակների վրա. միայն այդպիսի տեղեկատվությունը ձեռքին տեղական և տարածաշրջանային իշխանությունները կարող են գիտելիքի վրա հիմնված նպատակներ դնել և ռեսուրսներ հատկացնել:

Զեկույցը տեղական և տարածաշրջանային իշխանություններին տրամադրում է լավ փորձի օրինակներ և ուղեցույցներ, որոնք ուղղված են կառավարման բոլոր մակարդակներում  երիտասարդական աշխատանքի համակարգման բարելավմանը: