«COVD-19 համավարակի ազդեցությանը դիմագրավելով՝ բոլոր անդամ երկրների քաղաքներում ու ռեգիոններում, կառավարության բոլոր մակարդակներում իշխանություններն անում են ամեն հնարավորը արձագանքելու համար այն բոլոր արտասովոր մարտահրավերներին, որոնք առաջացել են կորոնավիրուսի հետևանքով»,- հունիսի 9-ին Եվրոպայի խորհրդի (ԵԽ)Կոնգրեսի Բյուրոյի հետ տեսակոնֆերանսի ընթացքում հայտարարեց ԵԽ գլխավոր քարտուղար Մարիա Պեյչինովիչ Բուրիչը:

Նրա հավաստմամբ՝ քանի դեռ համավարակը մարդկային կյանքեր է խլում, պետք է աջակցություն ցուցաբերել դրա կանխարգելմանը, որպեզի այն չոչնչացնի մարդկային կենսակերպն ու արժեքները: ԵԽ գլխավոր քարտուղարը ներկայացրեց այն ուղեցույցները, որոնք պատրաստվել են ԵԽ-ի կողմից, որպեսզի օգնեն անդամ պետություններին պայքարել համավարակի դեմ: Նա հայտարարեց. «Մարդու իրավունքները, ժողովրդավարությունը և օրենքի գերակայությունն անիմաստ են, եթե դրանք չեն մարմնավորում մարդկային կյանքը ողջ Եվրոպայի տարածքում: Տեղական և տարածքային իշխանությունների դերակատարությունն առանցքային ու էական է հատկապես պետությունների ձգտումները իրականացնելու հարցում»: