«Արահետից արահետ՝ դբա զարգացում». ներկայացվել են Լոռու մարզում իրականացված համայնքային և միջհամայնքային ծրագրերը
11.05.2021
Մայիսի 11-ին տեղի ունեցավ «Քաղաքացիների ձայնն ու գործողությունները Հայաստանի խոշորացված համայնքներում» ծրագրի շրջանակներում Լոռու մարզում իրականացված ենթադրամաշնորհային ծրագրերի ներկայացմանը նվիրված մարզային առցանց հանդիպում:
Հանդիպմանը մասնակցում էին ՀՀ բոլոր խոշորացված համայնքների ներկայացուցիչները:
Ներկայացվեցին «Քաղաքացիների ձայնն ու գործողությունները Հայաստանի խոշորացված համայնքներում» ծրագրի շրջանակներում ՀՀ Լոռու մարզի Ալավերդի, Ստեփանավան, Տաշիր, Գյուլագարակ, Շնող համայնքներում իրականացված համայնքային և «Արահետից արահետ՝ դբա զարգացում» միջհամայնքային ծրագրերը:
«Քաղաքացիների ձայնն ու գործողությունները Հայաստանի խոշորացված համայնքներում» ծրագիրն իրականացվում է «Համայնքների ֆինանսիստների միավորումը» (ՀՖՄ) «Հայաստանի համայնքների միության» (ՀՀՄ) և «Տեղական ժողովրդավարության գործակալությունների ասոցիացիայի» (ԱԼԴԱ) հետ համատեղ: Ծրագիրը ֆինանսավորում է Եվրոպական միությունը:
Ծրագրի նպատակն է ընդլայնել խոշորացված համայնքների կարողությունները մարդակենտրոն և կայուն տեղական զարգացմանն ուղղված ծրագրերի մշակման հարցում: Այն նաև միտված է վեր հանել համայնքների ոչ բավարար կարողությունների խնդիրը՝ տեղական զարգացումը կայուն, մասնակցային և հաշվետու ձևով խթանելու, կառավարության բարեփոխումներին աջակցելու և դրանց հետ կապված տարբեր մարտահրավերներ բարձրաձայնելու համար։
Հայաստանի համայնքների միության նախագահ Էմին Երիցյանն իր ելույթում փաստեց՝ այսօրինակ հանդիպումները հնարավորություն են տալիս ցույց տալ, թե ինչ արդյունքներ ունենք իրականացված ծրագրերով և նաև փորձի փոխանակում ապահովել:
Նշենք, որ հաջորդաբար այսպիսի քննարկումներ տեղի կունենան Գեղարքունիքի, Արագածոտնի, Շիրակի և Տավուշի մարզերում իրականացված ծրագրերի մասին: «Համայնքների ֆինանսիստների միավորում» ՀԿ ներկայացուցիչ, Ծրագրի ղեկավար Աբրահամ Արտաշեսյանը բարձրաձայնեց համայնքներում տուրիզմի և տնտեսական զարգացման, կարողությունների զարգացման հետ կապված խնդիրներ ու ասաց. «Այդ պատճառով՝ որպես առաջնահերթություն մենք վերցրինք տուրիզմի զարգացումը, ուստի փորձել ենք մեր Ծրագրի միջոցով նախապայմաններ ստեղծել հետագայում համայնքներին ավելի լայն հնարավորություններ՝ տնտեսական գործիքներ տրամադրելու համար»:
Համայնքային և միջհամայնքային ծրագրերի ներկայացումից հետո Գերմանիայի Սաուրիսի համայնքապետարանի օրիկանակով տուրիզմի զարգացման եվրոպական փորձը հայ գործընկերներին ներկայացրեց համայնքի ներկայացուցիչ Ֆաբիանա Գորասինին:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ