«Դիմակայելով համաճարակների, կլիմայի փոփոխության շարունակական հետևանքների և Եվրոպայի սրտում պատերազմներին՝ քաղաքացիներն ավելի ու ավելի են դիմում իրենց համայնքներին աջակցության համար», - 2023թ. տեղական և տարածաշրջանային մակարդակով Մարդու իրավունքների ակադեմիայի համաժողովի ժամանակ հայտարարել է Եվրոպայի խորհրդրի տեղական և տարածքային իշխանությունների Կոնգրեսի (ԵԽ Կոնգրես) Մարդու իրավունքների խոսնակ Հարալդ Բերգմանը (Նիդեռլանդներ, ILDG): 

Համաժողովի ընթացքում մասնակիցները կենտրոնացել էին տեղական ինքնակառավարման մարմինների կառավարման հայեցակարգերի և գործիքների վրա՝ մարդու իրավունքների վրա հիմնված կառավարում ապահովելու համար:

Հարալդ Բերգմանը ընդգծել է․ «Ժողովրդավարության զգալի անկման և հիմնարար իրավունքներին ուղղված կանոնավոր սպառնալիքների այս ժամանակաշրջանում հատկապես առավել խոցելի խավի համար մեր պարտականությունն է՝ որպես տեղական առաջնորդներ լինել տոկուն և ուժեղ»: Այս առումով նա հիշեցրել է այն Եվրոպայի ձևավորման կարևորությունը, որը հիմնված ժողովրդավարության և ապակենտրոնացման սկզբունքների վրա, որոնք ամրագրված են  Տեղական ինքնակառավարման եվրոպական խարտիայի նախաբանում։ Նա նաև նշել է․ «Ապակենտրոնացման միջոցով է, որ հանրային ծառայությունը դառնում է ավելի արձագանքող տեղական կարիքներին, ապահովվում է իշխանության պատասխանատու իրականացումը, և որ վստահությունը պետական իշխանությունների նկատմամբ առավել ընդգծված կամ ուժեղ է: Տեղական և տարածաշրջանային իշխանությունները՝ որպես քաղաքացիներին ամենամոտ իշխանություններ, իրական երկխոսության և գործընկերության մեջ մտնելով իրենց տարածքում ապրող մարդկանց հետ՝ նրանց քաղաքականությունը կարող է լինել իսկապես ժողովրդավարական, տեղին և արդյունավետ, քանի որ այն հիմնված է քաղաքացիների կարիքների վրա»: Այս տեսանկյունից Կոնգրեսի խոսնակն անդրադարձել է մշակված տարբեր գործիքներին, ինչպիսիք են Մարդու իրավունքների ձեռնարկները տեղական և տարածաշրջանային մակարդակներում, որոնք առաջարկում են մի շարք լավ փորձառություն տեղական մակարդակում մարդու իրավունքների իրականացման համար։ ԵԽ Կոնգրեսի խոսնակը տեղեկացրել է, որ Կոնգրեսը վերանայել է 2023-ի ռազմավարությունը մարդու իրավունքների վերաբերյալ։

Նա նաև կարևորել է երիտասարդների ակտիվ մասնակցությունը տեղական մակարդակում որոշումների կայացման գործում և հասարակական-քաղաքական կյանքում։