Եվրոպական միության Ռեգիոնների կոմիտեի քաղաքական խմբերը հավաքագրում են անդամ երկրների՝ COVID-19 համավարակի դեմ պայքարի հարցում գործողությունների և մարտահրավերների մասին տեղեկատվություն: Այն տեղադրվում է հատուկ կայքէջում, որտեղ անդամ երկրները կարող են անհրաժեշտ տեղեկատվություն ստանալ գործընկեր երկրների փորձի մասին:

Եվրոպական միության Ռեգիոնների կոմիտեի հավաստամամբ՝ համավարակը լուրջ մարտահրավեր է ողջ Եվրոպայի համար: Կոմիտեի անդամ երկրների տեղական և տարածքային իշխանություններն անում են բոլոր հնարավորը պայքարելու համավարակի դեմ իրենց հայտնի, շրջանառության մեջ դրված կոնկրետ գործողությունների միջոցով: Նրանք նաև ԵՄ-ի մակարդակով են քայլեր իրականացնում, որպեսզի հավատացած լինեն, որ անհրաժեշտ քայլեր ձեռնարկվում են իրենց համայնքներում անհրաժեշտ բժշկական միջոցների ապահովման, ինչպես նաև համավարակի պատճառով տնտեսական, սոցիալական ճգնաժամը հաղթահարելու համար;

ԵՄ Ռեգիոնների կոմիտեի ստեղծած հարթակը թարմացվում է ամեն օր, որտեղ տեղադրվում է ԵՄ-ի տարածքում տարբեր ռեգիոնների լավագույն փորձը, արդյունավետ գործողությունները, մեթոդաբանությունն ու համայնքների համար անհրաժեշտ գործիքակազմը համավարակի դեմ պայքարի համար, նաև գաղափարներ, թե ինչպես կարող է ԵՄ-ն օգնել համայնքներին: