Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) նախագահ Լինդերտ Վերբիկը Եվրոպական միության Ռեգիոնների կոմիտեի 147-րդ նստաշրջանի ընթացքում հնչեցված իր ելույթում Բրյուսելում մտահոգություն է հայտնել կեղծ լուրերի և ատելության խոսքի տարածման հարցով:

Նա մասնավորապես հայտարարել է. «Տեղական և տարածաշրջանային ընտրված ներկայացուցիչները ողջ Եվրոպայում մշտապես բախվում են կեղծ լուրերի և ատելության խոսքի աճին, որոնք մեծ ազդեցություն են ունենում նրանց աշխատանքի և ժողովրդավարական մեխանիզմների ապահովման վրա»:

Նա ընդգծել է տեղական իշխանությունների մեծ դերակատարությունն այս սպառնալիքին արձագանքելու հարցում:

Ըստ ԵԽ Կոնգրեսի նախագահի՝ ապատեղեկատվության խնդիրը հանգեցնում է քաղաքացիների վստահության կորստին, հասարակական ինստիտուտների հետ կապի խզմանը, ավտորիտար գայթակղություններին և այլնին:

Բացի այս մարտահրավերներից նաև լուրջ մարտահրավեր էր Covid-19 համավարակը, ինչը լուրջ փորձության է ենթարկել կառավարման ինստիտուտները բոլոր մակարդակներում:

Ըստ ԵԽ կոնգրեսի նախագահի՝ ապատեղեկատվության դեմ պայքարի լավագույն միջոցը քաղաքական համակարգի նկատմամբ քաղաքացիների վստահության վերականգնումն է:

Ապատեղեկատվության դեմ պայքարի համար Կոնգրեսը ներգրավվել է գիտական համագործակցության նախագծում, որում ներգրավված են գիտնականներ և փորձագետներ Լյուդվիգսբուրգի, Բուդապեշտի, Բուխարեստի, Կոսիցեի և Վիեննայի համալսարանական հաստատություններից: Հիմնվելով տեղական իշխանությունների փորձի վերլուծության վրա՝ ծրագրի արդյունքում կներկայացվի զեկույց, որը կներկայացվի Կոնգրեսի՝ 2022 թվականի մարտին կայանալիք նստաշրջանի ընթացքում: