«Միացյալ քաղաքներ և տեղական իշխանություններ» համաշխարհային կազմակերպության Եվրասիական տարածաշրջանային կառույցի (այսուհետ՝  UCLG-Եվրասիա) և Կազանի քաղաքապետարանի կողմից 2023 թվականի մայիսի 24-ից 27-ը Կազան քաղաքում (Ռուսաստան) կկազմակերպվի «Եվրասիայի քաղաքները և համաշխարհային միտումները» թեմայով դասընթաց։

Միջոցառումը ներառում է՝
•             պաշտոնական մաս՝ բացման արարողություն, 
•             «Միջազգային համայնքային համագործակցությունը Եվրասիայի տարածաշրջանում և համաշխարհային միտումները» խորագիրը կրող լիագումար նիստ,
•             Գործնական հատված՝ թրեյնինգ, որը նվիրված կլինի ժամանակակից պայմաններում Եվրասիական համայնքների՝ միջազգային հարաբերությունների զարգացման վերաբերյալ առաջարկություններին, միջազգային ասպարեզում քաղաքի իմիջի խթանմանը, Կայուն զարգացման նպատակների լավագույն գործելակերպին և այլն։
 
Թրեյնինգն օգտակար է և՛ քաղաքային զարգացման համար պատասխանատու տեղական իշխանությունների  ներկայացուցիչների (համայնքների ղեկավարների, ավագանու անդամների), և՛ համայնքի արտաքին կապերի համար պատասխանատու համայնքային ծառայողների համար։
 

Հայաստանի համայնքների միություն