Եթե կանխարգելման տարբերվող միջոց որևէ համայնք ունի, դա մեկ օր հետո կրկնօրինակվում է, ինչն այս իրավիճակում շատ լավ է. Դավիթ Խուդաթյան

Եթե կանխարգելման տարբերվող միջոց որևէ համայնք ունի, դա մեկ օր հետո կրկնօրինակվում է, ինչն այս իրավիճակում շատ լավ է. Դավիթ Խուդաթյան

23.03.2020

Հայաստանի համայնքների միության նոր նախաձեռնության շրջանակներում «Համայնքներն արտակարգ դրության ժամանակ» խորագրի ներքո ներկայացնում ենք տեղեկություններ Արմավիր քաղաքում կորոնավիրուսի կանխարգելման համար իրականացվող աշխատանքների վերաբերյալ:

Զրուցեցինք Արմավիր համայնքի ղեկավար Դավիթ Խուդաթյանի հետ:

-Ինչպե՞ս է կյանքն ընթանում համայնքում արտակարգ դրության օրերին:

-Քաղաքացիների շարժի պասիվություն կա, ինչը կապված է արտակարգ դրության հետ, և դա լավ է: Դա նաև կանխարգելիչ միջոցառում է:

-Կորոնավիրուսի կանխարգելման ի՞նչ աշխատանքներ են իրականացվում Արմավիր համայնքում:

-Արմավիր քաղաքում՝ որպես էջմիածնին՝ վարակի օջախին ավելի մոտ համայնք՝ կանխարգելիչ միջոցառումները շատ ավելի շուտ ենք սկսել իրականացնել: Էջմիածնում արձանագրված դեպքից ու այդ բռնկումից մեկ օր հետո քաղաքն անցել է ախտահանման մի այլ ռեժիմի: Պարբերաբար ենք ախտահանման աշխատանքներ իրականացրել՝ փողոցների լվացումներ, բայց հիմա ավելի խիստ ենք նայում այս հարցին և ավելի հաճախ ենք նման աշխատանքներ իրականացնում: Լվացվում են փողոցները, մայթերը, բազմաբնակարան շենքերի մուտքերը, մուտքերի դռները, ախտահանվում են ախտահանիչ նյութերով: Անհրաժեշտ քանակությամբ ախտահանիչ նյութեր ունենք ձեռքբերած:

-Ինչպե՞ս է աշխատում համայնքապետարանը:

-Քաղաքապետարանի ապարատն աշխատում է փոքրացված կազմով: Մանկահասակ երեխաներ ունեցողներն են տնից աշխատում և քրոնիկական առողջական խնդիրներ ունեցող աշխատակիցները:

-Ինչպե՞ս կգնահատեք համայնքների ընդհանուր պատրաստվածության աստիճանը:

-Ընդհանուր առմամբ՝ համայնքները պատրաստ էին, բայց ցանկալի կլիներ՝ բոլոր համայնքներն ավելի շատ տեխնիկական միջոցներ ունենային: Չնայած առկա ռեսուրսի՝ մինչև վերջ օգտագործումով էլ էլի ախտահանման աշխատանքները կատարվում են:

-Արմավիր համայնքում ամենօրյա ռեժիմո՞վ են ախտահանման աշխատանքներ կատարվում:

-Ախտահանման աշխատանքները կատարվում են ամենօրյա գրաֆիկով: Միջքաղաքային, հասարակական տրանսպորտն ամեն օր ախտահանվում է, ամեն օր լվացվում են քաղաքի կենտրոնական փողոցները: Պարբերաբար լվացվում են շենքերի մուտքերը, մուտքի դռները: Այսօր էլ շարունակվում են ախտահանման աշխատանքները: Աղբարկղերն են ախտահանվում, աղբահավաք տեխնիկան է ախտահանվում:

-Կա՞ մի հնարամիտ քայլ, որ համայնքում իրականացնում եք կորոնավիրուսի կանխարգելման համար:

-Ինչպես հասկացա՝ հնարամտությունը շղթայական ձևով կրկնօրինակվում է բոլոր համայնքներում: Այսօր արդեն մի քանի համայնքում տեսել եմ գյուղատնտեսական գործքիներով ախտահանման աշխատանքները: Եթե տարբերվող միջոց որևէ համայնք էլ ունի, դա մեկ օր հետո կրկնօրինակվում է, ինչն այս իրավիճակում շատ լավ է:

 


ՆՈՐՈՒԹՅՈՒՆՆԵՐ

Քաղաքապետերի դաշնագիր՝ Արևելք ծրագրի և Միության կողմից պարգևներ հանձնվեցին Երևանում
Քաղաքապետերի դաշնագիր՝ Արևելք ծրագրի և Միության կողմից պարգևներ հանձնվեցին Երևանում

13:00

11 08 2020

Օգոստոսի 10-ին Երևան համայնքից «ԵՄ կայուն էներգիայի շաբաթ-2020»-ի շրջանակներում...

Պարգևատրման արարողություն՝ Էջմիածնում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից
Պարգևատրման արարողություն՝ Էջմիածնում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից

12:42

11 08 2020

Օգոստոսի 10-ին Էջմիածին համայնքից «ԵՄ կայուն էներգիայի շաբաթ-2020»-ի շրջանակներում...

Պարգևատրման արարողություն՝ Աբովյանում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից
Պարգևատրման արարողություն՝ Աբովյանում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից

12:30

11 08 2020

Օգոստոսի 10-ին Աբովյան համայնքից Աբովյան-իմ քաղաքը«ԵՄ կայուն էներգիայի շաբաթ-2020»-ի...

Օգտակար հրատարակություններ ՏԻՄ-երի համար՝ UCLG-ի և գործընկեր կազմակերպությունների կողմից՝ հաղթահարելու համավարակի բացասական հետևանքները
Օգտակար հրատարակություններ ՏԻՄ-երի համար՝ UCLG-ի և գործընկեր կազմակերպությունների կողմից՝ հաղթահարելու համավարակի բացասական հետևանքները

23:39

09 08 2020

Միավորված քաղաքների ու տեղական իշխանությունների համաշխարհային կազմակերպությունը (UCLG) և...

ԵՄ կայուն էներգիայի շաբաթ 2020. Ալավերդի համայնքից պարգևատրվեց Կարինե Սիմոնյանը
ԵՄ կայուն էներգիայի շաբաթ 2020. Ալավերդի համայնքից պարգևատրվեց Կարինե Սիմոնյանը

20:43

08 08 2020

Ալավերդի համայնքից «ԵՄ կայուն էներգիայի շաբաթ-2020»-ի շրջանակներում անցկացված...

ԵՄ կայուն էներգիայի շաբաթ. պարգևատրման արարողություն՝ Ախթալայում
ԵՄ կայուն էներգիայի շաբաթ. պարգևատրման արարողություն՝ Ախթալայում

17:21

08 08 2020

Օգոստոսի 7-ին Ախթալա համայնքում ԵՄ կայուն էներգիայի շաբաթ 2020-ի շրջանակներում տեղի ունեցավ...