Սա մեզ համար լիովին նոր իրավիճակ է`իր բարդություններով, որ փորձում ենք լուծել կազմակերպված աշխատանքի միջոցով. Սարգիս Մուրադյան

Սա մեզ համար լիովին նոր իրավիճակ է`իր բարդություններով, որ փորձում ենք լուծել կազմակերպված աշխատանքի միջոցով. Սարգիս Մուրադյան

24.03.2020

«Համայնքներն արտակարգ դրության ժամանակ» խորագրի ներքո ներկայացնում ենք, թե կորոնավիրուսի կանխարգելման համար ինչ աշխատանքներ են կատարվում Սևան համայնքում: 

Ներկայացնում ենք հարցազրույց համայնքի ղեկավար Սարգիս Մուրադյանի հետ:

-Այս օրերին ինչպե՞ս է ընթանում համայնքային կյանքը Սևանում:

-Գարնանային Սևանում համայնքային կյանքը դեռևս ընթանում է իր հունով: Այս հանգիստ վիճակին թերևս նպաստում է նաև այն, որ չնայած արտակարգ դրությանը, կիրառվող միջոցառումներին և սահմանափակումներին, Գեղարքունիքի  մարզում, բարեբախտաբար կորոնավիրուսի դեպքեր չեն արձանագրվել: Իհարկե, այս օրերին սևանցիների խոսակցության թիվ մեկ թեման կորոնավիրուսն է, բայց դա չի խանգարում, որ մարդիկ զբաղվեն նաև իրենց առօրյա գործերով:

-Համայնքում ի՞նչ միջոցառումներ են իրականացվում կորոնավիրուսի կանխարգելման համար:

-Սևան համայնքում նախապատրաստական միջոցառումները մեկնարկել են դեռևս մարտի 13-ին, երբ իմ կարգադրությամբ համայնքում ստեղծվեց մասնագիտական թիմ, և թիմին տրվեցին համապատասխան հանձնարարականներ: Կանխարգելիչ և տեղեկատվական աշխատանքների շրջանակը լայն է, որոնք բխում են ՀՀ Պարետի ցուցումներից, ՀՀ առողջապահության նախարարության որոշումներից: Թվարկեմ մի քանիսը` համայնքի փողոցներում, բազմաբնակարան շենքերում և դրանց հարակից տարածքներում ախտահանման աշխատանքների իրականացում, օպերատիվ իրավիճակի վերահսկողություն, համայնքի առևտրի օբյեկտների տնտեսվարողների, ներհամայնքային տրանսպորտի շահագործողի հետ, համաձայն ցուցումների՝ աշխատանքների իրականացում, սոցիալական ցանցերով, պաշտոնական կայքէջով, տեղական հեռուստաընկերությամբ համապատասխան տեղեկատվության և իրազեկման նյութերի ապահովում:

Հիշյալ և մի շարք այլ միջոցառումներ իրականացվում են համագործակցված:  Ամենօրյա կապի մեջ ենք Գեղարքունիքի մարզպետարանի, Սևանի բժշկական կենտրոնի, տնտեսվարողների, իրավասու և բարեգործական կազմակերպությունների հետ: Մշտապես թարմացվող տեղեկատվությունը, դրա փոխանցումը նպաստում է մշակվող քայլերի հաջորդականությանը: Իրականացվող աշխատանքները համալիր են, որոնց միաժամանակյա կատարումը կտա իր դրական արդյունքը: Այս օրերին բավականին մեծ ծանրաբեռնվածությամբ և պատասխանատվությամբ է աշխատում «Սևան համայնքի կոմունալ սպասարկում և բարեկարգում» ՀՈԱԿ-ը, որին աջակցում  է «Վեոլիա ջուր» ՓԲԸ «Սևան» տեղամասը: Փորձում ենք հնարավորինս արագ արձագանքել բոլոր ցուցումներին, կանխատեսելի և անկանխատեսելի իրավիճակներին, որը թելադրված է արտակարգ դրությամբ: Իհարկե, պակաս կարևոր չէ համայնքի յուրաքանչյուր բնակչի, քաղաքացու պատասխանատվությունը, վերաբերմունքը և ցուցումներին հետևելը:

-Ի՞նչ ռեժիմով է աշխատում համայնքապետարանը արտակարգ դրության պայմաններում:

-Արտակարգ դրությունն ինքնին ենթադրում է արտակարգ ռեժիմ, որն այս դեպքում ավելի շատ առնչվում է օպերատիվությանը, իրադարձություններին, հանձնարարականների արագ արձագանքմանը, ճիշտ որոշումներ կայացնելուն, իրավիճակին տիրապետելուն:

Համայնքապետարանն անցել է աշխատանքային հեռավար ռեժիմի, սակայն խիստ անհրաժեշտության դեպքում չի բացառվում նաև քաղաքացիների մուտքը: Աշխատակիցները ևս լավ են պատկերացնում ստեղծված իրավիճակը և իրենց գործունեությունը կազմակերպում են` ելնելով հանգամանքներից,  առաջնային համարելով առցանց աշխատանքը` հարմարվելով նոր պայմաններին, ինքնակազմակերպվելով:  Ապահովված է տեղեկատվության, իրազեկման մշտական հոսքը, միաժամանակ այլ կառույցների և կազմակերպությունների հետ աշխատանքների համադրումը, որն այս օրերին այնքան անհրաժեշտ է: Քիչ չէ նաև  համայնքապետարանից դուրս իրականացվող աշխատանքների ծավալը` շրջայցերից մինչև ցուցումների տարածում:

-Համայնքում գործո՞ւմ է արդյոք թեժ գիծ, որով համայնքի բնակիչները կարող են կորոնավիրուսին և առողջական խնդիրներին առնչվող իրենց հուզող հարցերի մասին տեղեկատվություն ստանալ:

-Ինչպես Գեղարքունիքի մարզպետարանում, այնպես էլ Սևան համայնքում դեռևս օրեր առաջ, ի թիվս կազմակերպվող մի շարք միջոցառումների, քաղաքացիներն իրազեկվել են գործող թեժ գծերի և տեղեկատվական հեռախոսահամարների վերաբերյալ: 

-Համայնքն այս պահին հատկապես ո՞ր հարցում օգնության կարիք ունի:

-Մինչ այժմ աշխատանքները կատարում ենք մեր ուժերով և ռեսուրսներով, փորձում ենք խնդիրները լուծել՝ օգտագործելով առկա հնարավորությունները:

-Ձեր գնահատմամբ՝ համայնքներն այսօր պատրա՞ստ են դիմակայելու կորոնավիրուսին:

-Նման մասշտաբի և ծավալի աշխատանքների իրականացումը միաժամանակ բարդ է մի քանի առումով, սակայն ճիշտ, ժամանակին տրվող ցուցումները, որոնք հերթագայում են միմյանց, նաև աշխատանքները համակարգելու լավագույն միջոց են, և համայնքներն էլ օրեցօր դառնում են առավել ճկուն, պատրաստակամ և պատրաստված: Սա մեզ համար լիովին նոր իրավիճակ է` իր բարդություններով և դժվարություններով, որ փորձում  ենք լուծել կազմակերպված աշխատանքի շնորհիվ` համախմբելով շահագրգիռ կազմակերպություններին,  տնտեսվարողներին, բնակիչներին: Ինչպես ցույց տվեց իրավիճակը, միայն թիմային աշխատանքի միջոցով է հնարավոր դիմակայել խնդիրներին: Իսկ վերջում ուզում եմ մեր քաղաքացիներին մաղթել առողջություն, որի շնորհիվ և որի միջոցով հնարավոր է հաղթել այս արհավիրքին և առաջ գնալ:   


ՆՈՐՈՒԹՅՈՒՆՆԵՐ

HELP-ի վերապատրաստման հարթակը՝ ինքնուսուցման և հեռավար կրթության օգտակար գործիք
HELP-ի վերապատրաստման հարթակը՝ ինքնուսուցման և հեռավար կրթության օգտակար գործիք

16:20

06 04 2020

Արտակարգ դրության այս օրերին, ինքնամեկուսացման պայմաններում լավագույն ժամանակն է զբաղվել...

«Պետք է եղել՝ ես եմ դեղատան աշխատակցի հետ գնացել քաղաք, որ անհրաժեշտ նյութեր առնենք, բերենք, քանի որ ճանապարհը փակ է». Օշական համայնքի ղեկավար
«Պետք է եղել՝ ես եմ դեղատան աշխատակցի հետ գնացել քաղաք, որ անհրաժեշտ նյութեր առնենք, բերենք, քանի որ ճանապարհը փակ է». Օշական համայնքի ղեկավար

13:47

06 04 2020

ՀՀ Արագածոտնի մարզի Օշական համայնքում բնակիչները հիմնականում պահպանում են ինքնամեկուսացման...

Աշտարակ համայնքում բնակիչները համայնքապետարանին առաջարկում են օգնություն՝ կորոնավիրուսի կանխարգելման աշխատանքների կազմակերպման հարցում
Աշտարակ համայնքում բնակիչները համայնքապետարանին առաջարկում են օգնություն՝ կորոնավիրուսի կանխարգելման աշխատանքների կազմակերպման հարցում

19:17

03 04 2020

ՀՀ Արագածոտնի մարզի Աշտարակ համայնքի բոլոր մուտքերին ու ելքերին, համայնքի ամբողջ տարածքում...

Արարատ քաղաքի բնակիչները «բավարար» չափով են հետևում ինքնամեկուսացման կանոններին. Հայկ Հայկյան
Արարատ քաղաքի բնակիչները «բավարար» չափով են հետևում ինքնամեկուսացման կանոններին. Հայկ Հայկյան

14:25

03 04 2020

ՀՀ Արարատի մարզի Արարատ քաղաքում ինքնամեկուսացման կանոնները քաղաքացիները պահպանում են բավարար...

«Գյուղի փողոցներում գրեթե մարդ չկա, խանութները փակ են». Փարպի համայնքի ղեկավարը՝ համայնքում տիրող իրավիճակի և ախտահանման աշխատանքների մասին
«Գյուղի փողոցներում գրեթե մարդ չկա, խանութները փակ են». Փարպի համայնքի ղեկավարը՝ համայնքում տիրող իրավիճակի և ախտահանման աշխատանքների մասին

19:18

02 04 2020

Հայաստանի համայնքների միությունը շարունակում է ներկայացնել, թե արտակարգ դրության օրերին...

«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար
«Անձամբ եմ շրջում համայնքում և հորդորում բնակիչներին տանը մնալ». Եղեգիս համայնքի ղեկավար

12:42

02 04 2020

Հայաստանի համայնքների միությունն ամենօրյա գրաֆիկով ներկայացնում է, թե ինչ իրավիճակ է տիրում ՀՀ...