«Կորոնավիրուսի համավարակը ցույց տվեց տեղական իշխանությունների և ռեգիոնների կարևորագույն դերակատարությունը». Անդերս Կնապե
08.06.2020
«Տեղական և տարածքային մակարդակում լավ կառավարումը նշանակում է շրջակա միջավայրի պաշտպանություն և պայքար համընդհանուր մարտահրավերների դեմ»,- այսպիսի կարծիք է հայտնել Եվրոպայի խորհրդի տեղական և տարածքային իշխանությունների կոնգրեսի (ԵԽ Կոնգրես) նախագահ Անդերս Կնապեն Շրջակա միջավայրի համաշխարհային օրվա առիթով տարածած հայտարարության մեջ:
Կոնգրեսի նախագահը շեշտել է՝ համայնքներն ու ռեգիոններն այս հարցում ազգային իշխանությունների հիմնական գործընկերներն են: Նա հատկապես կարևորեց նրանց առանձնահատուկ պատասխանատվությունը քաղաքային քաղաքականության ձևավորման, թափոնների կառավարման, ջրային քաղաքականության, հանրային տրանսպորտի և այլ ոլորտներում:
Կոնգրեսի նախագահը հղում կատարեց Տեղական ինքնակառավարման եվրոպական խարտիային, որը երաշխավորում է տեղական իշխանությունների իրավունքները՝ հիմնված ապակենտրոնացման սկզբունքի վրա: Կոնգրեսի նախագահի հայտարարության մեջ ամրագրված է. «Շրջակա միջավայրի պաշտպանության թեմաների հետ կապված նույնպես տեղական և տարածքային իշխանությունները պետք է ստանան խորհրդատվություն և ներգրավված լինեն ազգային ռազմավարության գործընթացներում, որպեսզի նրանց հնարավորություն տրվի իրացնել իրենց պարտականությունները»:
Անդերս Կնապեսն իր հայտարարության մեջ հայտնել է. «Կորոնավիրուսի համավարակը ցույց տվեց տեղական իշխանությունների և ռեգիոնների կարևորագույն դերակատարությունը և նրանց կարողությունները ցուցաբերել համարժեք և արագ արձագանք ճգնաժամի օրերին: Ահա թե ինչու Կոնգրեսը կշարունակի աշխատանքը տեղական և տարածքային իշխանություններին մոբիլիզացնելու և առողջ միջավայրի համար նորարարական ռազմավարություններ մշակելու ուղղությամբ»:
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
22
Նմբ
26
Հոկ
25
Հոկ