Եվրոպայի խորհրդի Կոնգրեսն «ընդհանուր առմամբ հետընթաց» է գրանցել Թուրքիայում տեղական ժողովրդավարության վիճակի առումով
25.03.2022
Եվրոպայի խորհրդի տեղական և տարածքային իշխանությունների կոնգրեսի նստաշրջանի լիագումար նիստի ընթացքում Կոնգրեսը քննարկել է Թուրքիայում Տեղական ինքնակառավարման եվրոպական խարտիայի իրականացման հետ կապված մոնիտորինգային զեկույցը:
ԵԽ Կոնգրեսի զեկուցող Դեյվիդ Էրայը հայտարարել է. «Արձանագրում ենք, որ համայնքի ընտրված ղեկավարների լիազորությունների դադարեցումը, նրանց անազատության մեջ պահելն առանց դատարանի որոշմանը և նրանց փոխարեն կառավարության կողմից ժամանակավոր պաշտոնակատարների նշանակումն անընդունելի է»:
Զեկուցողը ցավով նշել է, որ Թուրքիայում անցյալ տարի իրենց կողմից արձանագրված իրավիճակը չի բարելավվել 2016-ի հետ համեմատած, ընդհակառակը, բացասական դինամիկա է նկատվում: Կոնգրեսը մտահոգություն է հայտնում, որ Թուրքիայում ընտրված քաղաքապետերի նկատմամբ ճնշումները շարունակվում են, որ նրանք շարունակվում են ազատազրկվել, դադարեցվում են նրանց լիազորություններն՝ առանց դատարանի որոշման»:
Կոնգրեսը Թուրքիայի իշխանություններին կոչ է անում այլևս չշարունակել կառավարության կողմից վստահելի անձանց նշանակման պրակտիկան այն քաղաքապետարաններում, որտեղ համայնքի ընտրված ղեկավարների լիազորությունները դադարեցված են: Հորդորում է, որ Թուրքիայում կիրառվի այն պրակտիկան, որը թույլ կտա համայնքի ավագանուն ինքն ընտրել լիազորությունը դադարեցված համայնքի ղեկավարի փոխարեն ժամանակավոր պաշտոնակատար, այլ ոչ թե դա կլինի կառավարության կողմից նշանակված չընտրված անձնավորություն: Կոնգրեսի զեկուցողն ընդգծել է. «Ընտրված քաղաքապետերին կառավարության կողմից այսպես կոչված վստահելի անձանցով փոխարինելը լուրջ հարված է Թուրքիայում տեղական ժողովրդավարությանը: Ըստ Մոնիտորինգի հանձնաժողովի զեկույցի՝ վերոնշյալ խնդիրները լուրջ հարված են հասցնում Թուրքիայում տեղական ժողովրդավարությանը և Թուրքիայի կողմից Տեղական ինքնակառավարման եվրոպական խարտիայի սկզբունքների իրականացմանը:
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
16:11
24 10 2023
Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...
23:47
22 10 2023
Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...
22
Նմբ
26
Հոկ
25
Հոկ