Շարունակվեցին Հայաստանի համայնքների միության նախաձեռնության անցկացվող առցանց քննարկումները Հայաստանի համայնքների հաղորդակցության պատասխանատուների հետ:

Տասնյակ հաղորդակցության պատասխանատուներ խումբ առ խումբ մասնակցում են հեռավար քննարկումների: Հերթական քննարկման թեման էր «Արտակարգ դրության օրերին ինչպե՞ս աշխատել համացանցում՝ մասնավորապես սոցիալական ցանցերում»:

Քննարկման ընթացքում անդրադարձ կատարվեց հետևյալ հարցերին.

• Ի՞նչ նորարար գործիքներ կիրառել մատուցվող տեղեկությունն ավելի մատչելի և դիտարժան դարձնելու համար,
• Ինչպե՞ս աշխատել լսարանի՝ ակտիվ օգտատերերի հետ,
• Աշխատանքը Համայնքային լուրեր էջի հետ

Քննարկման ընթացքում մասնակիցները ներկայացրին, թե ինչ խնդիրների են առնչվում այս օրերին: Հայաստանի համայնքների միության հաղորդակցության պատասխանատուն ներկայացրեց այն գործիքները, որոնց կիրառման դեպքում աշխատանքը սոցիալական ցանցերում կլինի ավելի արդյունավետ և տեսանելի:

Հանդիպման ավարտին կազմվեց աշխատանքային փաստաթուղթ-ուղեցույց՝ հետագայում աշխատանքն ավելի համակարգված կազմակերպելու նպատակով:

Նշենք, որ Հայաստանի համայնքների միության կողմից իրականացվող «Աշխատանքը՝ արտակարգ դրության օրերին. ցանցային համագործակցության սկզբունքներ և գործիքներ» թեմայով վեբինարները կլինեն շարունակական: