ԵԽ Կոնգրեսի նախագահը շնորհավորական ուղերձ է հղել ՀՀ-ում տեղական ինքնակառավարման օրվա կապակցությամբ

ԵԽ Կոնգրեսի նախագահը շնորհավորական ուղերձ է հղել ՀՀ-ում տեղական ինքնակառավարման օրվա կապակցությամբ

11.11.2021

Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) նախագահ Լինդերտ Վերբիկը շնորհավորական նամակ է հղել Հայաստանում տեղական ինքնակառավարման օրվա կապակցությամբ: Այս տարի նշվում է ՀՀ-ում Տեղական ինքնակառավարման մարմինների կազմավորման 25-ամյակը:

ՀՀ տարածքային կառավարման և ենթակառուցվածքների նախարար Գնել Սանոսյանին և Հայաստանի համայնքների միության նախագահ Էմին Երիցյանին ուղղված նամակում ԵԽ Կոնգրեսի նախագահը մասնավորապես գրում է.

«Հայաստանում տեղական ինքնակառավարման օրվա՝ նոյեմբերի 10-ի կապակցությամբ, ես ողջունում եմ Կոնգրեսի և Հայաստանի միջև երկարամյա լավ համագործակցությունը` մասնավորապես համագործակցությունը ՀՀ տարածքային կառավարման և ենթակառուցվածքների նախարարության, ինչպես նաև Հայաստանի համայնքների միության հետ:

Այս համագործակցությունը ճանապարհ է հարթում տեղական ժողովրդավարության հետագա ամրապնդման համար, ինչպես նաև մշտական քաղաքական երկխոսության համար՝ Հայաստանի կողմից 2002 թվականին վավերացված Տեղական ինքնակառավարման եվրոպական խարտիայի իրականացման և ՏԻՄ ընտրությունների դիտարկման նպատակով:

Ես մասնավորապես հղում եմ կատարում Կոնգրեսի վերջին՝ 456(2021) հանձնարարականին, որն ընդունվել է 2021 թվականի հունիսին: Համոզված եմ՝ դրա իրականացումն ապահովելու համար մենք շարունակելու ենք մեր բեղմնավոր երկխոսությունը:

Այսօր լավ հնարավորություն է նշելու տեղական ինքնակառավարման ճանաչումը ՀՀ Սահմանադրության մեջ և ՀՀ «Տեղական ինքնակառավարման մասին» օրենքում և վերահաստատելու քաղաքական կամքը Հայաստանում այս կարևոր ժողովրդավարական սկզբունքը պահպանելու համար:

ԵԽ Կոնգրեը կշարունակի աջակցություն տրամադրել և օգնել Հայաստանին իր կողմից իրականացվող մշտադիտարկումների և համագործակցության միջոցով:

Ուրախ եմ շնորհավորել ձեզ տեղական ինքնակառավարման համար կարևոր այս օրվա կապակցությամբ:

Հարգանքով՝

Լինդերտ Վերբիկ

ԵԽ Կոնգրեսի նախագահ


ՆՈՐՈՒԹՅՈՒՆՆԵՐ

ԵԽ Կոնգրեսը կիրականացնի ՀՀ-ում դեկտեմբերի 5-ին անցկացվելիք ՏԻՄ ընտրությունների գնահատման առաքելություն՝ հեռավար եղանակով
ԵԽ Կոնգրեսը կիրականացնի ՀՀ-ում դեկտեմբերի 5-ին անցկացվելիք ՏԻՄ ընտրությունների գնահատման առաքելություն՝ հեռավար եղանակով

12:45

02 12 2021

Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես)...

Հայաստանի համայնքների միությունում կայացել է ազգային փոքրամասնություններ ներառող համայնքների ղեկավարների հանդիպումը
Հայաստանի համայնքների միությունում կայացել է ազգային փոքրամասնություններ ներառող համայնքների ղեկավարների հանդիպումը

15:50

01 12 2021

Հայաստանի համայնքների միությունում տեղի է ունեցել ազգային փոքրամասնություններ ներառող...

Տեղի կունենա Սիսիան համայնքի ավագանու նիստը
Տեղի կունենա Սիսիան համայնքի ավագանու նիստը

15:45

23 11 2021

Նոյեմբերի 26-ին՝ ժամը 10։00-ին, կկայանա ՀՀ Սյունիքի մարզի Սիսիան համայնքի ավագանու նիստը։

Խորհրդակցական հաջողված մեխանիզմներ՝ համայնքներին. Կոնգրեսի զեկույց
Խորհրդակցական հաջողված մեխանիզմներ՝ համայնքներին. Կոնգրեսի զեկույց

15:23

22 11 2021

Նոյեմբերի 19-ին տեղի է ունեցել Եվրոպայի խորհրդի տեղական և տարածքային իշխանությունների կոնգրեսի...

Տեղեկացում. կկայանա Ալավերդի համայնքի ավագանու նիստը
Տեղեկացում. կկայանա Ալավերդի համայնքի ավագանու նիստը

11:08

22 11 2021

Ներկայացնում ենք, թե առաջիկա օրերին որ համայնքներում են սպասվում ավագանու նիստեր: