Սպիտակ քաղաքում իրականացվում են ախտահանման աշխատանքներ, համայնքն ունի հեռահար ջերմաչափման սարքերի ձեռքբերման կարիք. Գագիկ Սահակյան

Սպիտակ քաղաքում իրականացվում են ախտահանման աշխատանքներ, համայնքն ունի հեռահար ջերմաչափման սարքերի ձեռքբերման կարիք. Գագիկ Սահակյան

19.03.2020

«Համայնքներն արտակարգ դրության ժամանակ» խորագրի ներքո ներկայացնում ենք, թե արտակարգ դրության պայմաններում կորոնավիրուսի կանխարգելման համար ինչ աշխատանքներ են կատարվում Սպիտակ քաղաքում:

Զրուցեցինք Սպիտակի համայնքի ղեկավար Գագիկ Սահակյանի հետ:

-Այս օրերին ինչպե՞ս է ընթանում համայնքային կյանքը Սպիտակում:

-Այս օրերին համայնքային կյանքը Սպիտակում համեմատաբար պասիվ է: Մարդիկ նորմալ են արձագանքել իրավիճակին: Իմ գլխավորությամբ ստեղծվել է կորոնավիրուսի վարակի տարածման, կանխարգելիչ միջոցների ձեռնարկման և արձագանքման աշխատանքային խումբ:

-Համայնքում ի՞նչ միջոցառումներ են իրականացվում կորոնավիրուսի կանխարգելման համար:

Կորոնավիրուսի կանխարգելման նպատակով Սպիտակում փակվել են համայնքային ենթակայության նախադպրոցական և արտադպրոցական կրթական ու մշակութային կազմակերպությունները: Համայնքում հետաձգվել են բոլոր միջոցառումները: Ախտահանման աշխատանքներ են իրականացվում համայնքի բազմաբնակարան բնակելի շենքերի մուտքերում և բակային տարածքներում, համայնքապետարանի վարչական շենքի, հասարակական և պետական կազմակերպությունների մուտքերում: Հանրային լսումները իրականացվելու են առցանց ռեժիմով:

-Ի՞նչ ռեժիմով է աշխատում համայնքապետարանը արտակարգ դրության պայմաններում:

-Աշխատում ենք սովորական ռեժիմով: Աշխատանքային խմբի անդամները շրջում են համայնքում`բնակիչների իրազեկումն ապահովելու և կանխարգելիչ միջոցառումներին հետևելու համար: Սահմանափակվել է քաղաքացիների մուտքը համայնքապետարան: Գույքահարկի պարտավորությունները ճշտելու և համապատասխան տեղեկանքները ստանալու համար բնակիչներին տրվել են հեռախոսահամարներ: Ձեռնարկվել են միջոցներ համայնքային կառավարման տեղեկատվական համակարգի (ՀԿՏՀ) միջոցով՝ հեռավար եղանակով համայնքային ենթակայության կազամակերպությունների՝ ՀՈԱԿ-ների աշխատանքների՝ մասնավորապես դիմումների, գրությունների ընդունում, առցանց պատասխանում։

-Ի՞նչ է արվում համայնքի երեխաների՝ առցանց ուսուցումն ապահովելու համար:

-Համայնքի երեխաների` առցանց ուսուցումն ապահովելու համար համայնքի դպրոցները հետևում են պարետի և ԿԳՄՍ նախարարության ցուցումներին: Արտադպրոցական և կրթական ծրագրերը լրացնելու նպատակով արտակարգ դրությունից հետո կկազմակերպվեն լրացուցիչ պարապմունքներ:

-Համայնքում գործո՞ւմ է արդյոք թեժ գիծ, որով համայնքի բնակիչները կարող են կորոնավիրուսին և առողջական խնդիրներին առնչվող՝ իրենց հուզող հարցերի մասին տեղեկատվություն ստանալ:

-Համայնքի բնակիչներին կորոնավիրուսին և առողջական խնդիրներին առնչվող՝ իրենց հուզող հարցերի մասին տեղեկատվություն ստանալու համար տրամադրվել է  թեժ գծի 2-25-00 հեռախոսահամարը:

-Համայնքն այս պահին հատկապես ո՞ր հարցում օգնության կարիք ունի:

-Համայնքում այս պահին կա հեռահար ջերմաչափման սարքերի ձեռքբերման կարիք:

-Ձեր գնահատմամբ՝ համայնքներն այսօր պատրա՞ստ են դիմակայելու կորոնավիրուսին:

-Համայնքներն այսօր պատրաստ են դիմակայելու կորոնավիրուսին այնքանով, որքանով իրականացվում են վերը նշված կանխարգելիչ միջոցառումները:

 

 

 

 


ՆՈՐՈՒԹՅՈՒՆՆԵՐ

Պարգևատրման արարողություն՝ Ապարանի համայնքապետարանում․ ԵՄ Կայուն էներգիայի շաբաթ-2025
Պարգևատրման արարողություն՝ Ապարանի համայնքապետարանում․ ԵՄ Կայուն էներգիայի շաբաթ-2025

18:52

29 08 2025

Օգոստոսի 28-ին «Քաղաքապետերի դաշնագիր՝ Արևելք» ծրագրի կողմից պարգևատրվեցին «ԵՄ...

Պարգևատրման արարողություն Աբովյանի երեխաների աջակցության կենտրոնում՝ «ԵՄ կայուն էներգիայի շաբաթ-2025»-ի շրջանակներում
Պարգևատրման արարողություն Աբովյանի երեխաների աջակցության կենտրոնում՝ «ԵՄ կայուն էներգիայի շաբաթ-2025»-ի շրջանակներում

18:37

29 08 2025

Օգոստոսի 28-ին Աբովյանի երեխաների աջակցության կենտրոնում կազմակերպված պարգևատրման արարողության...

Ակունք համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները
Ակունք համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները

18:28

29 08 2025

Օգոստոսի 28-ին Ակունք համայնքում «Քաղաքապետերի դաշնագիր՝ Արևելք» ծրագրի կողմից...

Իջևանի համայնքապետարանում տեղի ունեցավ «ԵՄ կայուն էներգիայի շաբաթ-2025»-ի ակտիվ մասնակիցների պարգևատրման արարողություն
Իջևանի համայնքապետարանում տեղի ունեցավ «ԵՄ կայուն էներգիայի շաբաթ-2025»-ի ակտիվ մասնակիցների պարգևատրման արարողություն

18:39

26 08 2025

Իջևանի համայնքապետարանում օգոստոսի 25-ին «Քաղաքապետերի դաշնագիր՝ Արևելք» ծրագրի...

Պարգևատրվեցին Արթիկ համայնքում «ԵՄ կայուն էներգիայի շաբաթ-2025»-ի ակտիվ մասնակիցները
Պարգևատրվեցին Արթիկ համայնքում «ԵՄ կայուն էներգիայի շաբաթ-2025»-ի ակտիվ մասնակիցները

17:47

26 08 2025

Օգոստոսի 25-ին «Արթիկի երիտասարդների տուն» կենտրոնում կազմակերպված պարգևատրման...

Թալին համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները
Թալին համայնքում պարգևատրվեցին «ԵՄ կայուն էներգիայի շաբաթ-2025»-ի ակտիվ մասնակիցները

14:43

26 08 2025

Օգոստոսի 25-ին Թալին համայնքում «Քաղաքապետերի դաշնագիր՝ Արևելք» ծրագրի կողմից...