Միությունը թարմացնում է 2021-2025 թ.թ. Ռազմավարական պլանի մշակման աշխատանքների համար ձևավորված աշխատանքային խմբի կազմը
04.01.2022
Հայաստանի համայնքների միության նոր՝ Միության 2021-2025 թ.թ. Ռազմավարական պլանի մշակման աշխատանքներն ընթացքի մեջ են: Այդ նպատակով Միությունն իրականացնում է աշխատանքային խմբի անձնակազմի թարմացման աշխատանքներ:
Նշենք, որ Միությունը աշխատանքային խումբ արդեն ձևավորել էր, սակայն համայնքների միավորմամբ և ՏԻՄ ընտրություններով պայմանավորված փոփոխությունների արդյունքում անհրաժեշտություն է առաջացել թարմացնել խմբի կազմը: Գործընթացն իրականացվում է այնպես, որ աշխատանքային խմբի կազմում ապահովվեն մարզային, գենդերային ներկայացուցիչների հավասարակշռվածություն, կուսակցական հավասարակշռվածություն:
Այս գործընթացին զուգահեռ Միությունը ձևավորում է նաև տեղական և միջազգային փորձագետների մասնակցությամբ փորձագիտական խումբ, որի անդամները փորձագիտական աջակցություն կտրամադրեն ՄԻության 2021-2025 թ.թ. Ռազմավարական պլանի մշակման հարցում:
Միությունը սկսել է նոր Ռազմավարական պլանի մշակման աշխատանքների գործընթացը՝ հաշվի առնելով, որ լրացել է գործող Ռազմավարական պլանի ժամկետը, ինչպես նաև COVID-19 թագավարակի համաճարակով պայմանավորված անորոշություններից խուսափելու և տարեկան աշխատանքային ծրագրերը նախապես պլանավորելու համար:
Տեղեկանք
Միությունը՝ որպես զարգացած ինստիուցիոնալ կազմակերպություն, ունի իր Ռազմավարական պլանը։ Իր գործունեության ողջ ժամանակահատվածում Միությունն ունեցել է և ունի նաև սպեցիֆիկ ռազմավարություններ (վերապատրաստումների, հաղորդակցության, ֆինանսական կայունության և այլն)։
Ռազմավարական պլաններ են մշակվել 2006-2010 թ.թ. համար, 2011-2015 թ.թ. համար։ Ներկայումս գործող 2016-2020 թ.թ. Ռազմավարական պլանը մշակվել է 2016 թվականի փետրվար-հուլիս ամիսների ընթացքում, Եվրոպայի խորհրդի կողմից ներգրավված փորձագետների աջակցությամբ։ Ռազմավարական պլանի մշակման համար Միության Հանրապետական խորհրդի անդամներից կազմավորվել էր աշխատանքային խումբ։ Ռազմավարության մշակմանն անմիջականորեն մասնակցել են 100-ից ավելի համայնքապետեր, իսկ նախագծերն ուղարկվել էին Հայաստանի բոլոր համայնքներին։
2016-2020 թ.թ. Ռազմավարական պլանը հաստատվել էր Միության Հանրապետական խորհրդի կողմից 2016 թվականի հուլիսի 28-ին։
2016-2020 թ.թ. Ռազմավարական պլանի իրագործման արդյունքների մասին քննարկումներ են կազմակերպվել Միության Վարչության 2019 թվականի նոյեմբերի 22-ի նիստում, ապա Միության Հանրապետական խորհրդի 2020 թվականի հունվարի 11-ի նիստում։
ՀՀՄ հանրային կապերի բաժին
11:19
26 05 2022
Մայիսի 24-ին Երևանում տեղի է ունեցել Հայաստանի համայնքների միության Ընդհանուր ժողովը:
14:17
25 05 2022
Մայիսի 24-ին Երևանում շարունակվել է Հայաստանի համայնքների միության՝ մարտի 18-ին ընդհատված...
11:21
23 05 2022
Մայիսի 24-ին՝ ժամը 14.00-ին Երևանում՝ Դաբլ Թրի բայ Հիլթոն հյուրանոցում տեղի կունենա Հայաստանի...
11:55
19 05 2022
Եվրոպական հանձնաժողովի «Քաղաքապետերի դաշնագիր՝ Արևելք» ծրագրի կառավարիչ Դարյա...
10:02
19 05 2022
ԵՄ պատվիրակության համագործակցության բաժնի միջազգային համագործակցության պատասխանատու Անդրեա...
11:38
05 05 2022
Մայիսի 17-ին՝ ժամը 9:30, Երևանում՝ «Հոլիդեյ Ինն Երևան» հյուրանոցում (հասցե՝ Ամիրյան...