Սեպտեմբերի 8-ին Վանաձորի, Գյումրու և Լեհաստանի Պիլա քաղաքների համայնքապետարանների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ), ABC.GoV (Alliance for Better City Governance) ծրագրի շրջանակներում տեղի է ունեցել աղբահանության/թափոնների վերամշակման աշխատանքային խմբի՝ այս տարվա երկրորդ նիստը։

Աշխատանքային խմբի կազմում են Տարածքային կառավարման և ենթակառուցվածքների նախարարության ծրագրերի աջակցության և կոշտ կենցաղային  թափոնների կառավարման վարչության պետը, ՀՀ Շրջակա մջավայրի նախարարության վտանգավոր նյութերի և թափոնների քաղաքականության վարչության մասնագետներ, Լոռու մարզպետարանի քաղաքաշինության վարչության ներկայացուցիչներ ,  Գյումրի և Վանաձոր համայնքների  ղեկավարների օգնականներ՝ Ա․ Շաբոյանը և  Է․ Հունանյանը,  Վանաձոր և Գյումրի համայնքապետարանների ոլորտային պատասխանատուներ, ծրագրի փորձագետներ, ուսումնական հաստատությունների ներկայացուցիչներ։

Նիստի ընթացքում ներկայացվել են Գյումրի և Վանաձոր համայնքների ԿԿԹ ռազմավարական պլանների նախագծերը։

Նախագծերն արժանացել են հավանության և ապագայում կդրվեն հանրային քննարման։