Communities Association of Armenia

«Դուք նաև այլևս տեղական մակարդակում որոշումների կայացման շղթայի բաղադրիչ եք». Էմին Երիցյանի շնորհավորական ուղերձը՝ լրագրողներին

03.05.2020

Հարգելի լրագրողներ, մամուլի ներկայացուցիչներ,

Աշխարհն այսօր նշում է Մամուլի ազատության օրը։

ՅՈՒՆԵՍԿՕ-ի Գլխավոր համաժողովը 1991թ․ իր «Աշխարհում մամուլի ազատության ապահովմանը նպաստելու մասին» բանաձևով հռչակել էր, որ «ազատ, այլընտրանքային եւ անկախ մամուլը ցանկացած ժողովրդավարական հասարակության անհրաժեշտ բաղադրիչն է»։

Արդեն՝ ավելին քան բաղադրիչը։ Լրատվամիջոցներն այսօրվա հասարակության նյարդային համակարգն են, իսկ լրագրողները՝ տեղեկատվական հոսքերի կարգավարները։

Ձեր դերը թերագնահատել հնարավոր չէ։ Տեղեկատվական դաշտի խտացմանը զուգահեռ Ձեր պատասխանատվությունն ու դերն ավելի է մեծանում։ Այսօրվա հասարակություններն այնպիսին են, ինչպիսին դուք այն դարձնում եք՝ մաղելով ու սերուցքելով քաոսի հասնող տեղեկատվական հոսքերը։

Նույն պատճառով ձեր աշխատանքն անփոխարինելի է դառնում տեղական իշխանությունների համար, երբ մարդկանց հետ կապը վերածվել է համայնքային մարմինների գործունեության որակի չափանիշ։

Դուք նաև այլևս տեղական մակարդակում որոշումների կայացման շղթայի բաղադրիչ եք։

Շնորհավոր Մամուլի ազատության օրը։

Էմին ԵՐԻՑՅԱՆ
Հայաստանի համայնքների միության նախագահ