Ֆրանսիացի համայնքապետերն այցելեցին Հայոց ցեղասպանության թանգարան-ինստիտուտ և ՄԱԿ-ի հայաստանյան գրասենյակ
24.07.2018
Ֆրանսիայի գյուղական համայնքների ղեկավարների ասոցիացիայի պատվիրակությունը Հայաստանում է:
Հայաստանի համայնքների միության և Ֆրանսիայի գյուղական համայնքների ղեկավարների ասոցիացիայի միջև կնքվել է համագործակցության հուշագիր: Երկու ասոցիացիաները համարվում են քույր կազմակերպություններ. ունեն երկար տարիների համագործակցություն:
Ֆրանսիայի գյուղական համայնքների ղեկավարների ասոցիացիայի նախագահ, Գարժիլես-Դամպիերի համայնքապետ Վանիկ Բերբերյանի գլխավորությամբ պատվիրակության կազմում են Օտրակի համայնքապետ Քրիստոֆ Բեդոսոսյանը, Շամալոկի համայնքապետ Միշել Վարդանյանը, Բորըգարդ դե Տարրասոնի համայնքապետ Լիոնել Արմաղանյանը, Դոբյոֆ լա Կամպանյի համայնքապետ Լորանս Բուսիյեղին, Գրավրոն-Սեﬔրվիլի համայնքապետ Կլեր Կարրիեր-Գոդբուն, Արսոյի համայնքապետ Բրյունո Բետընոն:
Պատվիրակությանը հուլիսի 24-ին ընդունեց ՀՀ տարածքային կառավարման և զարգացման նախարարի առաջին տեղակալ Վաչե Տերտերյանը: Այնուհետև ֆրանսիացի համայնքապետերն այցելեցին Հայոց ցեղասպանության թանգարան-ինստիտուտ, ՄԱԿ-ի հայաստանյան գրասենյակ: Այստեղ քննարկում ծավալվեց կայուն զարգացման, համայնքային կառավարման, համայնքների անկախության, գյուղական համայնքների տուրիզմի զարգացման, գյուղը հետաքրքիր դարձնելու, համայքների էներգետիկ անկախության և այլ թեմաների շրջանակներում: Ֆրանսիացի պատվիրակները Հայաստան են եկել կոնկրետ ծրագրերով, այս առիթով ձեռք բերվեցին համագործակցության պայմանավորվածություններ:
Քննարկվեց նաև կանանց ներգրավվածությունը: Ֆրանսիայում այս ոլորտում ևս կան խնդիրներ: Դոբյոֆ Ֆրանսիայի 38 համայնքապետերից 7-ը կին են:
Մտահոգություն հնչեց նաև բնակչության՝ համայնքային կյանքում մասնակցության հարցով: Այս առիթով Վանիկ Բերբերյանը նշեց. «Հաճախ մարդիկ սպասողական վիճակում են, մինչև մի բան կատարվի: Մինչդեռ, որպեսզի երկիրը զարգանա, պիտի մարդն ինքը ստանձնի ու կազմակերպի այդ գործընթացը: Իրական զարգացումը երկնքից չի ընկնում»:
Քննարկվեցին նաև քվոտավորման խնդիրներ: Այս առիթով ֆրանսիացի համայնքապետերը փաստեցին՝ դիրքորոշումներն ու վերաբերմունքը ոչ միանշանակ են: Ֆրանսիացի համայնքապետերին ներկայացվեց, որ ներկայումս ՀՀ-ում օրենսդրական փոփոխություններ են տեղի ունենում. հնարավոր է կանանց ներկայացվածության քվոտան 25 տոկոսից բարձրանա 30-ի: Նշվեց նաև, որ համայնքների խոշորացմանը զուգահեռ ՀՀ-ում գուցե ընտրական համակարգը փոխվի և հնարավոր լինի ի վերջո ունենալ հարյուր տոկոս համամասնական ընտական համակարգ:
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Country-specific training on “Establishment of Municipal Energy Management System (EnMS)...
10:04
01 11 2023
An extremely unpleasant experience for those on the receiving end, verbal abuse and physical...
13:26
30 10 2023
The Congress of Local and Regional Authorities of the Council of Europe adopted a report...
22
Nov
26
Oct
25
Oct