Եվրոպայի խորհրդի Տեղական և ռեգիոնալ իշխանությունների կոնգրեսի անդամները 2016թ. հոկտեմբերի 19-21 կհավաքվեն Ստրասբուրգում՝Կոնգրեսի 31-րդ նստաշրջանի շրջանակներում:  Այս տարվա թեման է՝«Էթիկան և թափանցիկությունը տեղական և ռեգիոնալ մակարդակներում»: 

Կներկայացվեն երկու զեկույցներ՝ «Կոռուպցիայի կանխարգելում և հանրային էթիկայի խթանում տեղական և ռեգիոնալ մակարդակներում»  և «Վարչական ռեսուրսների չարաշահումը ընտրարշավների ժամանակ և տեղական ու ռեգիոնալ ընտրված ներկայացուցիչների դերը» թեմաներով: Ի՞նչ կարելի է անել տեղական և ռեգիոնալ մակարդակում ներգրավումը և արդյունավետ կառավարումը բարելավելու համար: Կոնգրեսի անդամները կքննարկեն այս հարցը քննարկելով նաև մի քանի այլ զեկույցներ՝ «Գնչուների և ճամփորդողների իրավիճակը աճող ռասիզմի և այլատյացության պայմաններում», «Կանանց մասնակցությունը և ներկայացվածությունը տեղական և ռեգիոնալ մակարդակներում», «Գենդերային բյուջետավորում» և «Մետրոպոլիայի տարածքների արդյունավետ կառավարում», ինչպես նաև քննարկման փաստաթուղթ՝ տեղական մակարդակում արմատականացման դեմ պայքարի մասով Կոնգրեսի ռազմավարության վերաբերյալ: Օրակարգում ընդգրկված է նաև «Սոցիալական իրավունքները Եվրոպայում. Եվրոպական սոցիալական խարտիայի իրականացումը ռեգիոնալ մակարդակում» թեմատիկ քննարկումը: