Տեղի է ունեցել Դաշինք՝ հանուն կայուն և կանաչ կառավարման ծրագրի Ղեկավար կոմիտեի անդրանիկ նիստը

Տեղի է ունեցել Դաշինք՝ հանուն կայուն և կանաչ կառավարման ծրագրի Ղեկավար կոմիտեի անդրանիկ նիստը

31.05.2021

Մայիսի 27-ին Վանաձորի համայնքապետարանի նիստերի դահլիճում տեղի է ունեցել Վանաձորի, Գյումրու և Լեհաստանի Պիլա քաղաքի համայնքապետարանների համագործակցությամբ ԵՄ ֆինանսավորմամբ իրականացվող  «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ), ABC.GoV: Alliance for Better City Governance) ծրագրի Ղեկավար կոմիտեի անդրանիկ նիստը: Ղեկավար կոմիտեն Ծրագրի հիմնական որոշում կայացնող մարմինն է: Ծրագիրը ֆինանսավորվում է Եվրոպական միության կողմից։

Ղեկավար կոմիտեի  անդամներն են Հայաստանում ԵՄ պատվիրակության ներկայացուցիչը, Վանաձորի, Գյումրու և Պիլայի համայնքապետերը, ՀՀ Տարածքային կառավարման և ենթակառուցվածքների նախարարության, ՀՀ Շրջակա միջավայրի նախարարության, ՀՀ Կադաստրի կոմիտեի, ՀՀ Քաղաքաշինության կոմիտեի, Հայաստանի համայնքների միության,  Լոռու և Շիրակի մարզպետարանների, Վանաձորի և  Գյումրու համայնքների ավագանու անդամներ, ինչպես նաև ՔՀԿ-ների ներկայացուցիչներ:

Ղեկավար կոմիտեի անդրանիկ նիստին ողջույնի խոսքով հանդես են եկել Վանաձորի համայնքապետ Մամիկոն Ասլանյանը, Գյումրու համայնքապետ Սամվել Բալասանյանը և Պիլայի համայնքապետ Պյոտր Գլովսկին:

Նիստին ներկայացվել է ԿԿԿ Դաշինք ծրագրի հակիրճ  նկարագրությունը, քննարկվել և հաստատվել է Ծրագրի  առաջին տարվա աշխատանքային պլանը և Ղեկավար կոմիտեի հաջորդ նիստերի ժամանակացույցը:

ԿԿԿ Դաշինք ծրագրի մասին

 Ծրագրի նպատակն է նպաստել Վանաձոր և Գյումրի համայնքների տնտեսության արդյունավետ կառավարմանը՝ այդ ոլորտում քաղաքականության և ընթացակարգերի, ծառայությունների որակի բարելավման միջոցով:

Ծրագիրն ունի հետևյալ բաղադրիչները․

Բաղադրիչ 1։  Բարելավել Վանաձոր և Գյումրի համայնքների կայուն համակառավարումը՝ քաղաքաշինական ոլորտին և համայնքային ծառայություններին առնչվող փաստաթղթերի մշակման կամ լրամշակման, դրանք ազգային  և ԵՄ չափորոշիչներին համահունչ դարձնելու միջոցով:

Այս բաղադրիչի շրջանակում կներդրվի աշխարհագրական տեղեկատվական համակարգ (GIS) Վանաձոր և Գյումրի համայնքներում քաղաքաշինական պլանավորումը բարելավելու նպատակով։

Բաղադրիչ 2։ Աջակցություն Վանաձոր և Գյումրի քաղաքներին ավելի մաքուր շրջակա միջավայր  ստեղծելու և բարելավված քաղաքային կառավարում ապահովելու գործում՝ ներդնելով  «կանաչ»  հանրային տրանսպորտի կիրառման և պլաստիկ թափոնների վերամշակման մշակույթ, համադրելով դրանք այդ նպատակներին ուղղված հանրային «կանաչ»  նախաձեռնությունների հետ։ 

 

 Այս բաղադրիչի շրջանակում մասնավորապես 2022-2023թթ. ձեռք են բերվելու.

•      5-ական ավտոբուսներ էլեկտրական լիցքավորմամբ՝ Վանաձոր, Գյումրի համայնքների համար

•      Տոմսա-վավերացման էլեկտրոնային համակարգեր և լիցքավորման կայաններ

•      Նոր տեխնոլոգիաներով պլաստիկ աղբի վերամշակման 2 հոսքագիծ

•      Ընդհանուր աղբի և աղբի տեսակավորման աղբամաններ

•      Մամլիչներ

•      Ավլող մեքենաներ

Իրականացվելու է բնակչության և շահակիր բոլոր կողմերի վարքագծի փոփոխությանն ուղղված լայնածավալ  իրազեկման, կրթական և տեղեկատվական արշավներ, համայնքային 8 «կանաչ» նախաձեռնություններ՝ ուղղված հանրային տարածքների բարելավմանը՝ «տարածքակազմակերպման»  մասնակցային մեթոդի կրառմամբ և ջերմոցային գազերի ու ածխաթթու գազի արտանետումները նվազեցնելու նպատակով։

 

Բաղադրիչ 3։ Վանաձորի և Գյումրու համայնքապետարանների  աշխատակազմերի կարողությունների բարելավում քաղաքային կայուն կառավարման, «կանաչ» տրանսպորտային համակարգի  և աղբի վերամշակման արդյունավետ տեխնոլոգիաների  կիրառման գործում՝  Լեհաստանի Պիլա համայնքի հետ փորձի փոխանակման, մասնագիտական դասընթացների և եվրպական առաջատար փորձին ծանոթանալու միջոցով։

 Փորձի փոխանակումն ու վերապատրաստումները ներառելու են.

·         Աշխարհագրական տեղեկատվական համակարգը (GIS)

·         Էլեկտրական լիցքավորմամբ հանրային տրանսպորտի կառավարումը

·         Տվյալ ոլորտներում իրավական և քաղաքականության փաստաթղթերի մշակումը

·         Աղբահանության կառավարման պլանավորումը

·         Աղբի վերամշակման արտադրամասի շահագործումը և կառավարումը։

 Փորձի փոխանակման մաս է կազմում «Քաղաքը՝ քաղաքին․ համատեղ ջանքեր՝ ուղղված քաղաքային կայուն համակառավարմանը» թեմայով տարածաշրջանային համաժողովի կազմակերպումը։ 


ՆՈՐՈՒԹՅՈՒՆՆԵՐ

ԵԽ Կոնգրեսի 40-րդ նստաշրջանի ընթացքում կընդունվի Հայաստանի վերաբերյալ մոնիտորինգային զեկույց
ԵԽ Կոնգրեսի 40-րդ նստաշրջանի ընթացքում կընդունվի Հայաստանի վերաբերյալ մոնիտորինգային զեկույց

11:09

09 06 2021

Հունիսի 15-17-ը կանցկացվի Եվրոպայի խորհրդի Տեղական և տարածքային իշխանությունների կոնգրեսի (ԵԽ...

Տեղի է ունեցել  «Քաղաքացիների ձայնն ու գործողությունները Հայաստանի խոշորացված համայնքներում» ծրագրի փակման արարողությունը
Տեղի է ունեցել «Քաղաքացիների ձայնն ու գործողությունները Հայաստանի խոշորացված համայնքներում» ծրագրի փակման արարողությունը

16:58

03 06 2021

Մայիսի 26-ին տեղի է ունեցել  «Քաղաքացիների ձայնն ու գործողությունները Հայաստանի...

Ներկայացվել են ԵՄ ֆինանսավորմամբ Տավուշի մարզում իրականացված միջհամայնքային ծրագրերը
Ներկայացվել են ԵՄ ֆինանսավորմամբ Տավուշի մարզում իրականացված միջհամայնքային ծրագրերը

11:17

03 06 2021

Մայիսի 27-ին տեղի ունեցավ «Քաղաքացիների ձայնն ու գործողությունները Հայաստանի խոշորացված...

Հեռավար կարգով անցկացվել է Եվրոպայի խորհրդի կոնգրեսի Բյուրոյի նիստը
Հեռավար կարգով անցկացվել է Եվրոպայի խորհրդի կոնգրեսի Բյուրոյի նիստը

20:23

26 05 2021

Մայիսի 26-ին հեռավար կարգով անցկացվել է Եվրոպայի խորհրդի Տեղական և տարածքային իշխանությունների...

Տավուշի մարզի համայնքային և միջհամայնքային ծրագրերի ներկայացում
Տավուշի մարզի համայնքային և միջհամայնքային ծրագրերի ներկայացում

11:04

25 05 2021

Մայիսի 27-ին՝ ժամը 11:00-ին տեղի կունենա «Քաղաքացիների ձայնն ու գործողությունները...