Եվրոպական միության Ռեգիոնների կոմիտեի նախագահ Ապոստոլոս Ցիցիկոստասը շնորհավորական ուղերձ է հղել Հայաստանի համայնքների միության նախագահ Էմին Երիցյանին ՀՀ-ում տեղական ինքնակառավարման մարմինների կազմավորման 25-ամյակի կապակցությամբ: Իր շնորհավորական նամակում ԵՄ Ռեգիոնների կոմիտեի նախագահը, դիմելով Էմին Երիցյանին, գրել է.

Հարգելի′ նախագահ,

ԵՄ Ռեգիոնների կոմիտե անդամների և իմ անունից ջերմորեն շնորհավորում եմ ՀՀ-ում տեղական ինքնակառավարման մարմինների կազմավորման 25-ամյակի կապակցությամբ:

Միության համար այս կարևոր տարվա ընթացքում Ռեգիոնների կոմիտեի անդամները հույս ունեն հետագայում ավելի ուժեղացնել և ամրապնդել մեր ընկերությունն ու համագործակցությունը, ներառյալ համագործակցությունը Արևելյան գործընկերության Տեղական և տարածքային իշխանությունների կոնֆերանսի (CORLEAP) շրջանակներում, որի ակտիվ անդամներից եք նաև Դուք:

Ցանկանում եմ Ձեզ հաջողություն և անհամբեր սպասում եմ Ձեզ հետ հանդիպման դեկտեմբերի 14-ին Բրյուսելում կայանալիք CORLEAP ամենամյա հանդիպմանը, որտեղ Արևելյան գործընկերության տեղական և տարածքային իշխանությունների ներկայացուցիչները կհնչեցնեն իրենց ուղերձը Արևելյան գործընկերության գագաթնաժողովին: