«Նվազագույն արտանետումներով էներգետիկ լուծումներ մրցունակ Հայաստանի համար» թեմայով լրագրողական հոդվածների մրցույթ երիտասարդների և ուսանողների համար

«Նվազագույն արտանետումներով էներգետիկ լուծումներ մրցունակ Հայաստանի համար» թեմայով լրագրողական հոդվածների մրցույթ երիտասարդների և ուսանողների համար

20.05.2024

2024 թվականի հունիսի 11-ից մինչև 13-ը նշվող ԵՄ Կայուն էներգիայի շաբաթվա (EU Sustainable Energy Week) շրջանակներում, ԵՀ «Քաղաքապետերի դաշնագիր՝ Արևելք» ծրագիրը՝ Հայաստանի համայնքների միության հետ համատեղ հայտարարում է «Նվազագույն արտանետումներով էներգետիկ լուծումներ մրցունակ Հայաստանի համար» թեմայով լրագրողական հոդվածների մրցույթ:

Ջերմոցային գազերի զուտ զրոյական կամ նվազագույն արտանետումներով էներգետիկ լուծումները ենթադրում են էներգիայի աղբյուրների դիվերսիֆիկացում և հանածո վառելիքներից կախվածության նվազեցում՝ այդ թվում նաև վերականգնվող էներգիայի աղբյուրների օգտագործման, ինչպես նաև էներգաարդյունավետության բարձրացման շնորհիվ` դրանով իսկ բարելավելով երկրի էներգետիկ անվտանգությունը և միաժամանակ նվազեցնելով ածխածնի արտանետումները:

Հետևաբար անհրաժեշտ է, որ մրցութային աշխատանքները համահունչ լինեն  վերոհիշյալ կարգախոսին՝ անդրադառնալով հետևյալ թեմաներից մեկին կամ մի քանիսին. Հայաստանում էներգիայի աղբյուրների դիվերսիֆիկացում, էներգետիկ ռեսուրսների արդյունավետ օգտագործում, վերականգնվող էներգետիկ ռեսուրսների օգտագործում, ինչպես նաև էներգախնայողություն, էներգախնայողություն և կանաչ զարգացում:

Ողջունելի են «Քաղաքապետերի դաշնագիր» նախաձեռնությունում Հայաստանի համայնքների մասնակցության մասին հոդվածները։

Մրցույթի պայմանները.

-      Մրցույթին կարող են մասնակցել Հայաստանում ԵՄ «Քաղաքապետերի դաշնագիր» նախաձեռնությանն անդամակցող համայնքներում բնակվող երիտասարդները և համայնքներում գործող ուսումնական հաստատությունների ուսանողները:

-      Յուրաքանչյուր մասնակից կարող է ներկայացնել ոչ ավել, քան մեկ հոդված:

-      Հոդվածի ծավալը՝ 2-3 էջ (A4 չափսի թուղթ), ֆոնտը՝ Sylfaen, ֆոնտի չափսը՝ 11, միջտողային հեռավորությունը՝ 1:

-      Հոդվածները պետք է ուղարկվեն [email protected] էլեկտրոնային հասցեին մինչև հունիսի 14-ը՝ նշելով հեղինակի անունը, ազգանունը, տարիքը, համայնքը, կոնտակտային տվյալները:

-      Ներկայացնելով հոդվածը մրցույթի մասնակիցը համաձայնում է մրցույթին ներկայացված աշխատանքի հրապարակային ցուցադրությանը, ինչպես նաև դրա ոչ առևտրային օգտագործմանը՝ էներգախնայողության, էներգաարդյունավետության, վերականգնվող էներգիայի աղբյուրների օգտագործման և կանաչ զարգացման խթանման նպատակով:

 Մրցույթի պայմաններին համապատասխանող բոլոր հոդվածները կտեղադրվեն «Քաղաքապետերի դաշնագիր՝ Արևելք» ծրագրի ֆեյսբուքյան էջում և Հայաստանի համայնքների միության ֆեյսբուքյան էջում։

Ներկայացված հոդվածների գնահատումը կիրականացվի լրագրողներից և փորձագետներից բաղկացած ժյուրիի կողմից՝ մինչև հունիսի 25-ը:

Հորդորում ենք բոլոր մասնակից համայնքներին այս հայտարարության ստացման պահից մինչև նշված վերջնաժամկետը կազմակերպել նմանատիպ (նույն պայմաններով և պահանջներով) համայնքային մրցույթներ, քանի որ հոդվածների գնահատման ժամանակ նախապատվությունը կտրվի Կայուն էներգիայի շաբաթվա շրջանակներում համայնքների կողմից նմանատիպ մրցույթների ընթացքում լավագույն ճանաչված և մինչև հունիսի 14-ը վերը հիշատակված էլեկտրոնային հասցեներին ուղարկված աշխատանքներին:

Առաջին 3 տեղերը գրաված մասնակիցներին կշնորհվեն մրցանակներ:

Մրցույթի մասին բոլոր հարցերով կարող եք դրել հետևյալ էլ. հասցեով՝ [email protected]։

Հայաստանի համայնքների միություն


ՆՈՐՈՒԹՅՈՒՆՆԵՐ

Ստեփանավան համայնքում ամփոփվեցին նկարչական մրցույթի անդյունքները
Ստեփանավան համայնքում ամփոփվեցին նկարչական մրցույթի անդյունքները

21:15

19 06 2024

ԵՄ Կայուն էներգիայի շաբաթվա (EU Sustainable Energy Week-2024) շրջանակներում Հայաստանի...

Ամփոփելով ԵՄ Կայուն էներգիայի շաբաթը. Սևանում անցկացվեց 14 միջոցառում
Ամփոփելով ԵՄ Կայուն էներգիայի շաբաթը. Սևանում անցկացվեց 14 միջոցառում

20:15

19 06 2024

Արդեն ավանդական դարձած ԵՄ Կայուն էներգիայի շաբաթն (EU Sustainable Energy Week) այս տարի...

Թեմատիկ նկարչական աշխատանքների մրցույթ-ցուցահանդես՝ Մարտունի համայնքում
Թեմատիկ նկարչական աշխատանքների մրցույթ-ցուցահանդես՝ Մարտունի համայնքում

08:59

18 06 2024

2024 թվականի հունիսի 11-ին, Մարտունի համայնքում անցկացվեց ԵՄ Կայուն էներգիայի շաբաթվա (EU...

Արդեն 7-րդ տարին է Արթիկ համայնքը միանում է ԵՄ կայուն էներգիայի շաբաթվան․ անցկացվեցին կայուն էներգիայի օրեր
Արդեն 7-րդ տարին է Արթիկ համայնքը միանում է ԵՄ կայուն էներգիայի շաբաթվան․ անցկացվեցին կայուն էներգիայի օրեր

09:31

17 06 2024

Հունիսի 1-ից 10-ն Արթիկ համայնքի 16 մանկապարտեզներում անցկացվել են «Կայուն էներգիա»...

ԵՄ կայուն էներգիայի շաբաթվա շրջանակում միջոցառումներ՝ Թալին համայնքում
ԵՄ կայուն էներգիայի շաբաթվա շրջանակում միջոցառումներ՝ Թալին համայնքում

22:33

16 06 2024

Թալին համայնքում ամփոփվել է ԵՄ Կայուն էներգիայի շաբաթվա (EU Sustainable Energy Week)...