Երևանում անցկացվել է Միության խորհրդի նիստը, 5-ամյա ռազմավարության (2022-2026) և 2-ամյա գործողությունների պլանի մշակման աշխատաժողովը

Երևանում անցկացվել է Միության խորհրդի նիստը, 5-ամյա ռազմավարության (2022-2026) և 2-ամյա գործողությունների պլանի մշակման աշխատաժողովը

20.04.2022

Ապրիլի 20-ին Երևանում տեղի է ունեցել Հայաստանի համայնքների միության Հանրապետական խորհրդի արտահերթ նիստը, որին մասնակցել են ՀՀ համայնքների ղեկավարներ, տեղակալներ, համայնքների աշխատակազմերի ներկայացուցիչներ։

Նիստի ընթացքում քննարկվել են Միության Ընդհանուր ժողով հրավիրելու, CORLEAP-ում Հայաստանի համայնքների միության պատվիրակության փոխարինող անդամների թափուր տեղերը լրացնելու, ԵԽ Կոնգրեսում ՀՀ պատվիրակության կազմի թափուր տեղերը լրացնելու մասին հարցեր:

Խորհրդի նիստից հետո անցկացվել է Միության նոր՝ 5-ամյա ռազմավարության (2022-2026) և 2-ամյա գործողությունների պլանի մշակման աշխատաժողովը։ Մասնակցել են Եվրոպաի խորհրդի փորձագետներ Իեն Վիլսոնը (Անգլիա) և Արթան Րոջին (Ալբանիա), հայաստանյան փորձագետներ Իրինա Փահլևանյանը, Արմինե Թուխիկյանը և Միության աշխատակազմի ներկայացուցիչներ։

Հայաստանի համայնքների միության նախագահ Էմին Երիցյանն իր ելույթում նշել է՝ խոշորացման գործընթացից հետո անհրաժեշտություն էր առաջացել Միության կանոնադրական փոփոխությունների, որի ուղղությամբ աշխատանքներ են տարվել։ Նա առաջարկել է Միության ընդհանուր ժողովն անցկացնել մայիսի 24-ին, որի ընթացքում տեղի կունենան Միության նախագահի, վարչություն ընտրություններ, կընդունվի հնգամյա ռազմավարությունը։

Ընդհանուր ժողովին կհաջորդի տեղական ժողովրդավարության ֆորումը։ Խոսելով Միության ռազմավարության մասին՝ Էմին Երիցյանը նշել է․ «Միությունը՝ որպես կազմակերպություն ունի իր կարիքները, ռազմավարական նպատակները, թիրախները, բայց դրանք զուգակցվում են համայնքների այսօրվա կարիքների հետ։ Միությունը պետք է նպաստի դրանց իրականացմանը։ Այդ իմաստով համայնքների ռազմավարությունները և ընդհանրապես շահի գիտակցումը շատ կարևոր է։ Ռազմավարությունը, որը մշակվում է Միության կողմից, պիտի լինի Միության անդամների ներգրավմամբ, որպեսզի այն լինի բոլորի սեփականությունը։ Կարևոր է, որպեսզի մեր ռազմավարությունը նաև թիրախավորի նոր համայնքների  կարիքները»։

Էմին Երիցյանը Միության անդամներին է ներկայացրել ուկրաինական համայնքի ներկայացուցիչ Իրինա Շևչուկին՝ կարևորելով նաև ուկրաինական համայնքի հետ համագործակցության զարգացումը։

Փորձագետ Իեն Վիլսոնը, դիմելով համայնքների ներկայացուցիչներին, նշել է․ «Սա ձեր ռազմավարությունն է նաև, և դուք մեզ հետ պետք է աշխատեք այս ռազմավարության մշակման հարցում»։

Փորձագետ Արթան Րոջին փաստել է՝ քննարկում են Միության անկյունաքարային և հիմնարար փաստաթղթերից մեկը ու նշել․ «Սա լավ հնարավորություն է, որ ձեր համայնքի համար ռազմավարության մշակման հարցում կիրառեք նաև այս փորձառությունը»։

Փորձագետ Իրինա Փահլևանյանը ներկայացրել է Միության ռազմավարության և դրա թեմաների SWOT վերլուծություն: Միության անդամների հետ քննարկվել են Հայաստանի համայնքների միության՝ որպես կազմակերպության ուժեղ և թույլ կողմերը, հնչել են առաջարկներ և մատնանշվել լուծման հնարավոր ուղիներ։

 Ինստիտուցիոնալ աջակցություն Հայաստանի համայնքների միությանը ծրագրի ղեկավար Նունե Բալյանը ներկայացրել է ԵԽ-ի կողմից իրականացվող ծրագիրը, առաջնահերթություններն ու նպատակները։ Անդրադառնալով Միության ռազմավարության մշակման գործընթացին՝ նկատել է․ «Միության անդամ համայնքները պիտի վերահսկեն ռազմավարության իրականացման գործընթացը և նաև իրենք լինեն ռազմավարության իրականացնողները»։

Նշենք, որ Միության նոր՝ 5-ամյա ռազմավարության (2022-2026) և 2-ամյա գործողությունների պլանի մշակման աշխատաժողովը կշարունակվի նաև ապրիլի 21-ին։

 

 

 

 

 


ՆՈՐՈՒԹՅՈՒՆՆԵՐ

Հայաստանի յոթ համայնքների ղեկավարներ Կազանում մասնակցում են «Եվրասիայի քաղաքները և համաշխարհային միտումները» թեմայով դասընթացին
Հայաստանի յոթ համայնքների ղեկավարներ Կազանում մասնակցում են «Եվրասիայի քաղաքները և համաշխարհային միտումները» թեմայով դասընթացին

13:34

25 05 2023

Հայաստանի համայնքների միության պատվիրակությունը մայիսի 24-27-ը Կազան քաղաքում մասնակցում է...

Ցանցային հաղորդակցության հմտությունների բարելավմանն ուղղված ևս մեկ վեբինար՝ համայնքների հաղորդակցության պատասխանատուների համար
Ցանցային հաղորդակցության հմտությունների բարելավմանն ուղղված ևս մեկ վեբինար՝ համայնքների հաղորդակցության պատասխանատուների համար

15:47

11 05 2023

Հայաստանի համայնքների միության նախաձեռնությամբ մայիսի 11-ին անցկացվել է «Ցանցային...

Տեղական և տարածքային իշխանությունները բնապահպանական ոլորտը պետք է ներառեն իրենց քաղաքականություններում․ ԵԽ Կոնգրես
Տեղական և տարածքային իշխանությունները բնապահպանական ոլորտը պետք է ներառեն իրենց քաղաքականություններում․ ԵԽ Կոնգրես

14:18

02 05 2023

Ժողովրդավարական կառավարման համատեքստում կանաչ պետական կառավարման թեմայով համաժողովի ընթացքում...

ԵԽ Կոնգրեսն ակտիվորեն նպաստում է Վրաստանում Եվրոպայի խորհրդի տեսանելիության շաբաթվան
ԵԽ Կոնգրեսն ակտիվորեն նպաստում է Վրաստանում Եվրոպայի խորհրդի տեսանելիության շաբաթվան

10:28

28 04 2023

«Խտրականության կանխարգելումը մեր աշխատանքի հիմնարար սկզբունքներից մեկն է, և այս...