«Հայաստանի համայնքների միության ինստիտուցիոնալ կարողությունների ամրապնդում և Հայաստանում թափանցիկ և մասնակցային տեղական ինքնակառավարման խթանում» ծրագիրը հայտարարում է դրամաշնորհային առաջարկների մրցույթ, որի նպատակն է աջակցել համայնքների կողմից տեղական նախաձեռնությունների իրականացմանը։ 

Աջակցությունը ներառում է դրամաշնորհ (ֆինանսավորում), փորձագիտական աջակցություն (ուսուցում) և փորձի փոխանակում:

Ծրագրային առաջարկները պետք է աջակցեն տեղական նախաձեռնությունների իրականացմանը հետևյալ ոլորտներում.

• տեղական հակակոռուպցիոն պլանների մշակում,
• վարքագծի կանոնագրքի մշակման և ներդրման ինստիտուցիոնալ մեխանիզմերի ձևավորում,
• հանրային բարեվարքության, թափանցիկության և տեղեկատվության հասանելիության գործիքների ներդրում,
• էթիկայի պատասխանատուների և գնումների պատասխանատուների ինստիտուտի ներդրում (ներառյալ վերապատրաստում և այլն)
• տեղական որոշումների կայացման գործընթացում քաղաքացիների մասնակցության խթանման և որոշումների կատարման վերահսկողության համար գործիքակազմի և մեխանիզմների մշակում:

Ծրագրի շրջանակներում նախատեսվող դրամաշնորհներին դիմելու գործընթացը բաց է փորձառնական հանրույթի անդամ համայնքների և Երևանի, Վանաձորի և Գյումրու քաղաքապետարանների համար։ Փորձառնական հանրույթի անդամ համայնքներն են Երևան, Գյումրի, Վանաձոր, Ամասիա, Ակունք, Ալավերդի, Անի, Արենի, Արփի, Բյուրեղավան, Դիլիջան, Գեղամասար, Գլաձոր, Եղեգիս, Զառիթափ, Լոռի-Բերդ, Կապան, Օձուն, Սարչապետ, Վայք, Տաթև, Տաշիր, Ուրցաձոր:

Դիմումները պետք է գնահատվեն երկու փուլով` Գնահատող հանձնաժողովի կողմից: Առաջին փուլի համար դիմորդներից պահանջվում է ներկայացնել լրացված և ստորագրված ծրագրի Հայեցակարգը (Հավելված I): Գնահատման հանձնաժողովի կողմից ծրագրի հայեցակարգի ընտրության դեպքում, դիմորդից կպահանջվի մշակել ծրագրի ամբողջական առաջարկը` լրացնելով դիմումի ձևը (Հավելված II), որը պետք է ստորագրվի և ներկայացվի բյուջեի նախագծի հետ միասին (օգտագործելով Հավելված III-ի ձևաչափը):

Հայերեն լեզվով կազմված ծրագրի հայեցակարգը և նախնական բյուջեն պետք է ներկայացվեն էլեկտրոնային եղանակով (Word և PDF) ուղարկելով հետևյալ էլեկտրոնային փոստի հասցեին [email protected] ոչ ուշ քան 2021 թվականի hոկտեմբերի 29-ը։

Էլ. հաղորդագրության վերնագիրը պետք է պարունակի հետևյալ հղումը. ԴԻՄՈՒՄ-ՀԱՅՏ. Տեղական նախաձեռնությունները Հայաստանում 2021 թ.

Առաջին փուլն անցած համայնքները պետք է ներկայացնեն լրացված և ստորագրված ծրագրային հայտերը, օժանդակ փաստաթղթերի հետ միասին մինչև 2021 թվականի նոյեմբերի 19-ը, ժամը 18.00 (Երևանի ժամանակով)։

Դիմումները պետք է ներկայացվեն էլեկտրոնային եղանակով (Word և PDF) ուղարկելով հետևյալ էլեկտրոնային փոստի հասցեին [email protected]

Էլ. հաղորդագրության վերնագիրը պետք է պարունակի հետևյալ հղումը. ԴԻՄՈՒՄ-ՀԱՅՏ. Տեղական նախաձեռնությունները Հայաստանում 2021 թ.

Վերջնաժամկետից հետո ստացված ծրագրերը չեն դիտարկվի:

 Դիմում հայտ, մրցույթի մանրամասներ

Այլ մանրամասներ՝ այստեղ