Կենտրոնական Մակեդոնիայի նահանգապետ Ապոստոլոս Ցիցիկոստասը (Եվրոպական ժողովրդական կուսակցություն) փետրվարի 12-ին ընտրվեց Եվրոպական միության Ռեգիոնների կոմիտեի նախագահ:

Հաջորդ 2.5 տարիների ընթացքում նորընտիր նախագահը կղեկավարի ԵՄ-ի՝ տեղական և տարածքային ընտրված պաշտոնյաների նստաշրջանը: Ռեգիոնների կոմիտեի նիստի ընթացքում ընտրվեց նաև կոմիտեի առաջին փոխնախագահը: Այս պաշտոնը կղեկավարի Պորտուգալիայի Ազոր ռեգիոնի ղեկավար Վասկո Լիդիո Ալվես Կորդերոն:

Նորընտիր նախագահն իր ելույթում Ռեգիոնների կոմիտեի 329 անդամներին՝ ԵՄ անդամ 27 երկրներից, ներկայացրեց իր երեք առաջնահերթությունները:

Նա հայտարարեց. «Նախևառաջ Եվրոպական միությունը պետք է ծառայի մարդկանց, այն մարդկանց, որոնք ապրում են գյուղերում, քաղաքներում, մարզերում: Մենք պետք է աջակցենք տարածքային համախմբումը, նորարարությունը, ձեռներեցությունը, պետք է նաև գտնենք վստահելի լուծումներ միգրացիոն հոսքերի կառավարման համար: Երկրորդը, մարզերն ու քաղաքները պետք է նար ճկուն լինեն ներկայիս էկոլոգիական, թվային, ժողովրդագրական վերափոխումներին հարմարվելու վրա: Եվ, ի վերջո, մենք պետք է ուժեղացնենք եվրոպական ժողովրդավարությունը՝ եվրոպական ժողովրդավարության սրտում դնելով մարզերն ու քաղաքները, որպեսզի Եվրոպան մոտեցնենք մարդկանց: