«Մենք միշտ կարևորել ենք Կոնգրեսի և Վենետիկի հանձնաժողովի միջև համագործակցությունը: Հանձնաժողովը սահմանադրական հարցերում Եվրոպայի խորհրդի խորհրդատվական մարմինն է: Մեր աշխատանքի ընթացքում մենք հատուկ ուշադրություն ենք դարձրել  Եվրոպայի խորհրդի անդամ երկրներում ապակենտրոնացման բարեփոխումների սահմանադրական հարթությանը»,-հայտարարեց Կոնգրեսի նախագահ Ժան-Կլոդ Ֆրեկոնը  2016թ. հոկտեմբերի 14-ին կայացած Վենետիկի հանձնաժողովի նիստի ժամանակ: 

«Մենք միշտ կարևորել ենք Կոնգրեսի և Վենետիկի հանձնաժողովի միջև համագործակցությունը: Հանձնաժողովը սահմանադրական հարցերում Եվրոպայի խորհրդի խորհրդատվական մարմինն է: Մեր աշխատանքի ընթացքում մենք հատուկ ուշադրություն ենք դարձրել  Եվրոպայի խորհրդի անդամ երկրներում ապակենտրոնացման բարեփոխումների սահմանադրական հարթությանը»,-հայտարարեց Կոնգրեսի նախագահ Ժան-Կլոդ Ֆրեկոնը  2016թ. հոկտեմբերի 14-ին կայացած Վենետիկի հանձնաժողովի նիստի ժամանակ: «Ահա թե ինչու անդամ երկրների ազգային իշխանությունների հետ ստորագրված գրեթե բոլոր ճանապարհային քարտեզները պարունակում են սահմանադրական փոփոխությունների և լրացումների վերաբերյալ դրույթներ և Վենետիկի հանձնաժողովի աշխատանքին հղումներ»,- նշեց նա: Պարոն Ֆրեկոնը նշեց նաև, որ Կոնգրեսի անդամները հոկտեմբերի նստաշրջանին կընդունեն բանաձևի նախագիծ, որի նպատակն է՝ խթանել Վենետիկի հանձնաժողովի կողմից վերջերս ընդունված Օրենքի գերակայության ստուգացանկը: Նա նաև նշեց, որ Կոնգրեսի 2017թ.-ի օրակարգը կներառի նաև զեկույցի նախագիծ՝ տեղական և ռեգիոնալ մակարդակում միգրանտների, փախստականների և տեղահանված անձանց քվեարկելու իրավունքի, ինչպես նաև Ֆինլանդիայում տեղական ընտրությունների դիտորդական առաքելության և մոնիթորինգային 11 այցերի մասին: