Փետրվարի 12-ին Եվրոպայի խորհրդի տեղական և տարածքային իշխանությունների կոնգրեսն (ԵԽ Կոնգրես) ընդունել է զեկույց, որում առաջարկություններ կան մայրաքաղաքների կարգավիճակի հետ կապված:

Զեկույցով ԵԽ Կոնգրեսը խթանում է մայրաքաղաքների առանձնահատկությունների ավելի լավ ընկալումը և պաշտպանում է նրանց ավելի ընդլայնված ինքնավարության երաշխիքները:

Հատուկ կարգավիճակի խնդիրը իշխանությունների հայեցողությանը թողնելու հարցը՝ կախված համատեքստից պահանջում է հատուկ ընթացակարգային երաշխիքներ: Մասնավորապես, զեկույցում ամրագրված է մայրաքաղաքի վարչարարության իրավական դաշտի մասով. լիազորությունների հստակ բաժանումը բուն մայրաքաղաքի և նրա շրջանների միջև (հիմնված սուբսիդիարության սկզբունքի վրա) և բավարար ֆինանսական միջոցները:

Զեկույցից բխող առաջարկությունները պահանջում են, որ ազգային և (կամ) տարածաշրջանային վերահսկողական լիազորությունները հակակշռվեն համագործակցության և խորհրդատվության մեխանիզմներով, ինչպես նաև մայրաքաղաքների և ազգային կառավարության միջև համագործակցության երկկողմ հատուկ ուղիների և հարևան քաղաքապետարանների հետ հորիզոնական համագործակցության միջոցով: Նաև կոչ է արվում մշակել մեխանիզմներ մեծացնելու քաղաքացիների մասնակցությունը տեղական մակարդակում որոշումների կայացման հարցում: