Վենետիկի հանձաժողովն իրավական կարծիք է ընդունել Թուրքիայում համայնքի ղեկավարի ընտրված թեկնածուների՝ նշանակված անձանցով փոխարինման առիթով:

Այս իրավական կարծիքն ուղղված է ԵԽ տեղական և տարածքային իշխանությունների հարցմանը, որն ուղարկվել էր 2019 թվականի ավարտին, ինչը վերաբերում էր Թուրքիայի իշխանությունների կողմից մարտի 31-ին տեղի ունեցած ՏԻՄ ընտրություններին հաջորդող մի քանի որոշումների կայացմանը: Հարցմանը հետևել է Կոնգրեսի կողմից Թուրքիայում կայացած ընտրությունների դիտորդական զեկույցը, որը մատնանշում է մի շարք լուրջ խնդիրներ՝ կապված տեղական իշխանությունների ընտրված թեկնածուների նկատմամվ իրականացվող գործընթացների հետ:

Տեղական և ռեգիոնալ ընտրությունների գծով Կոնգրեսի զեկուցողներն իրենց աջակցությունն են հայտնել այս իրավական կարծիքին: Նրանք հայտարարել են. «Մենք գնահատում ենք կատարված եզրակացությունների բացառիկ բնույթը, որով մատնանշվում է, որ ընտրված թեկնածուների մանդատի չեղյալ հայտարարման հետ կապված՝ Թուրքիայի գերագույն ընտրական խորհրդի որոշումը հակասում է միջազգային չափանիշներին, և Թուրքիայի Ներքին գործերի նախարարության կողմից ընտրված համայնքի ղեկավարների մանդատի կասեցումը թերագնահատում է Թուրքիայում տեղական ժողովրդավարության բնույթը»:

Կոնգրեսի զեկուցողները հայտարարում են, որ ընտրված պաշտոնյաների մանդատի կասեցումն առանց դատարանի որոշման և նրանց՝ Կառավարության կողմից նշանակված անձանցող փոխարինումը հակասում է է ժողովրդավարության հիմնարար սկզբունքներին և միջազգային չափանիշներին, ինչպես նաև հակասում է Տեղական ինքնակառավարման եվրոպական խարտիայի  դրույթներին, որոնք վավերացվել են Թուրքիայի կողմից 1992 թվականին:

Կոնգրեսի համազեկուցողները հայտարարության եզրափակիչ մասում հայտնում են. «Մենք լիովին ընդունում ենք Վենետիկի հանձնաժողովի պահանջները, մասնավորապես Թուրքիայի իշխանությունների կողմից ընդունված որոշումները ընտրված պաշտոնյաների մանդատի ժխտման ու ընտրված թեկնածուների պաշտոնավարման կասեցման առումով պետք է հետ կանչվեն և համապատասխան իրավական դրույթները պետք է չեղյալ հայտարարվեն»: