2017թ. փետրվարի 28-ին Ռեգիոնների կոմիտեն և Եվրոպայի խորհրդի Տեղական և տարածքային իշխանությունների կոնգրեսը հյուրընկալեցին համատեղ կոնֆերանս՝ հակակոռուպցիոն ռազմավարությունների իրականացման ընթացքում հանդիպող մարտահրավերներին անդրադառնալու և ենթաազգային մակարդակում համագործակցության լավագույն փորձերը և օգուտները ներկայացնելու նպատակով:

Կոռուպցիան շարունակում է Եվրոպայում մեծ սպառնալիք մնալ կառավարման և ժողովրդավարության համար: Այն խաթարում է քաղաքացիների վստահությունը ժողովրդավարական կառույցների նկատմամբ, մինչդեռ տեղական և ռեգիոնալ հանրային կյանքում կոռուպցիայի ռիսկերի և մասշտաբների վերաբերյալ հանրային իրազեկվածությունը գնալով մեծանում է: Կոռուպցիայի դեմ պայքարն իր բոլոր ձևերով պետք է մնա երկարաժամկետ առաջնահերթություն տեղական ու ռեգիոնալ կառավարությունների համար: Համատեղ կանխարգելիչ գործողությունն առաջնահերթ նշանակություն ունի՝ տնտեսական աճի խթանման, ինչպես նաև քաղաքացիների վստահությունը կրկին շահելու համար: Աճող ապակենտրոնացման պայմաններում տեղական և ռեգիոնալ իշխանությունները կարևոր պարտականություններ ունեն պետական ծախսերի և ռեսուրսների կառավարման հարցում: Սակայն, չնայած որ նրանց բյուջեները և իրավասությունները մեծացել են, այնուամենայնիվ, դեռևս կարիք կա չարաշահումների ռիսկերը նվազեցնելու վերահսկողության մեխանիզմների:

Աղբյուրը՝ http://www.coe.int/t/congress/default_en.asp