«ՏԻՄ-երին պետք է տրամադրվի համարժեք ֆինանսավորում և ռեսուրսներ, որպեսզի նրանք ի վիճակի լինեն արձագանքել արտակարգ իրավիճակներին և մատուցեն համապատասխան հանրային ծառայություններ». ԵԽ գլխավոր քարտուղար

«ՏԻՄ-երին պետք է տրամադրվի համարժեք ֆինանսավորում և ռեսուրսներ, որպեսզի նրանք ի վիճակի լինեն արձագանքել արտակարգ իրավիճակներին և մատուցեն համապատասխան հանրային ծառայություններ». ԵԽ գլխավոր քարտուղար

08.12.2020

Դեկտեմբերի 7-ին Եվրոպայի խորհրդի տեղական և տարածքային իշխանությունների կոնգրեսի (Կոնգրես) նախաձեռնությամբ անցկացվել է «COVID-19. տեղական և տարածքային իշխանությունները առանջնագծում» խորագրով հեռավար քննարկում: 

Քննարկման ընթացքում իր ելույթում  ԵԽ գլխավոր քարտուղար Մարիա Պեյչինովիչ Բուրիչը բարձր է գնահատել տեղական իշխանությունների դերակատարությունը համավարակի առաջ բերած մարտահրավերներին դիմակայելու և համավարակի կանխարգելման  արագ արձագանքման հարցերում ՏԻՄ-երի անփոխարինելի դերակատարությունը: ԵԽ գլխավոր քարտուղարը հայտարարել է. «COVID-19 համավարակի պատճառով առաջացած ճգնաժամի առաջ բերած մատահրավերներին կառավարման բոլոր օղակների արձագանքման կարիքը կար, և տեղական ու տարածքային իշխանություններն առաջնագծում էին ու շարունակում են մնալ առաջնագծում»: Այս առիթով ԵԽ գլխավոր քարտուղարը կարևորել է ստեղծված իրավիճակից դասեր քաղելու անհրաժեշտությունը ու մասնավորապես շեշտել իրավասությունների բաժանման, ինչպես նաև կառավարության տարբեր ոլորտների համակարգման կարևորությունը նման ճգնաժամային իրավիճակներում:

Մարիա Պեյչինովիչ Բուրիչը հատկապես կարևորել է այն, որ տեղական և տարածքային իշխանություններին տրամադրվի համարժեք ֆինանսավորում և ռեսուրսներ, որպեսզի նրանք ի վիճակի լինեն արձագանքել արտակարգ իրավիճակներին և մատուցեն համապատասխան հանրային ծառայություններ:

ԵԽ գլխավոր քարտուղարը հղում է կատարել Աթենքի հռչակագրին, որն ընդունվել է 2020 թվականի նոյեմբերի՝ ԵԽ նախարարների խորհրդի նիստին: Նա ընդգծել է, որ «այս սկզբունքները տարածվում են տեղական ժողովրդավարության գործունեության վրա, ճիշտ այնպես, ինչպես կենտրոնական իշխանությունների գործունեության վրա»: Աթենքի հռչակագիրը նպատակ ունի ուղղորդել անդամ պետություններին արդյունավետ արձագանքելու հասարակական առողջության ճգնաժամին ՝ լիարժեք հարգելով մարդու իրավունքները, ժողովրդավարությունը և օրենքի գերակայությունը: Այն կոչ է անում պաշտպանել խոցելի բնակչությունը, սահմանում է անդամ պետություններին ճգնաժամային իրավիճակում վստահված պարտավորությունները և հիշեցնում, որ բացառիկ միջոցառումները պետք է լինեն խիստ անհրաժեշտ, համաչափ, սահմանափակ և լիովին համապատասխանեն Մարդու իրավունքների եվրոպական կոնվենցիային:

ԵԽ գլխավոր քարտուղարը ելույթը եզրափակել է. «Եվրոպայի խորհրդի չափորոշիչները չեն տարածվում միայն կենտրոնական կառավարության կողմից իրականացվող գործառույթների վրա: Բազմամակարդակ  կառավարումը պահանջում է բազմամակարդակ մոտեցում:

 


ՆՈՐՈՒԹՅՈՒՆՆԵՐ

ԵԽ Կոնգրեսի 40-րդ նստաշրջանի ընթացքում կընդունվի Հայաստանի վերաբերյալ մոնիտորինգային զեկույց
ԵԽ Կոնգրեսի 40-րդ նստաշրջանի ընթացքում կընդունվի Հայաստանի վերաբերյալ մոնիտորինգային զեկույց

11:09

09 06 2021

Հունիսի 15-17-ը կանցկացվի Եվրոպայի խորհրդի Տեղական և տարածքային իշխանությունների կոնգրեսի (ԵԽ...

Տեղի է ունեցել  «Քաղաքացիների ձայնն ու գործողությունները Հայաստանի խոշորացված համայնքներում» ծրագրի փակման արարողությունը
Տեղի է ունեցել «Քաղաքացիների ձայնն ու գործողությունները Հայաստանի խոշորացված համայնքներում» ծրագրի փակման արարողությունը

16:58

03 06 2021

Մայիսի 26-ին տեղի է ունեցել  «Քաղաքացիների ձայնն ու գործողությունները Հայաստանի...

Ներկայացվել են ԵՄ ֆինանսավորմամբ Տավուշի մարզում իրականացված միջհամայնքային ծրագրերը
Ներկայացվել են ԵՄ ֆինանսավորմամբ Տավուշի մարզում իրականացված միջհամայնքային ծրագրերը

11:17

03 06 2021

Մայիսի 27-ին տեղի ունեցավ «Քաղաքացիների ձայնն ու գործողությունները Հայաստանի խոշորացված...

Տեղի է ունեցել Դաշինք՝ հանուն կայուն և կանաչ կառավարման ծրագրի Ղեկավար կոմիտեի անդրանիկ նիստը
Տեղի է ունեցել Դաշինք՝ հանուն կայուն և կանաչ կառավարման ծրագրի Ղեկավար կոմիտեի անդրանիկ նիստը

11:37

31 05 2021

Մայիսի 27-ին Վանաձորի համայնքապետարանի նիստերի դահլիճում տեղի է ունեցել Վանաձորի, Գյումրու և...

Հեռավար կարգով անցկացվել է Եվրոպայի խորհրդի կոնգրեսի Բյուրոյի նիստը
Հեռավար կարգով անցկացվել է Եվրոպայի խորհրդի կոնգրեսի Բյուրոյի նիստը

20:23

26 05 2021

Մայիսի 26-ին հեռավար կարգով անցկացվել է Եվրոպայի խորհրդի Տեղական և տարածքային իշխանությունների...