Նշվեց Էջմիածին քաղաքի 2704-ամյակը
08.10.2019
Հոկտեմբերի 8-ին Էջմիածին քաղաքում անցկացվեցին քաղաքի հիմնադրման 2704-ամյակին նվիրված տոնական միջոցառումներ: Ավանդաբար Էջմիածնում նշվում է քաղաքի հիմնադրման օրը:
Էջմիածինցի նկարիչների նկարների ցուցահանդես, քանդակագործություն, նարդու և շախմատի ցուցադրական խաղեր, տոնական շքերթ, սմարթ կանգառի բացում, քուֆթայի փառատոն. Էջմիածնում տոնական միջոցառումների պակաս չէր զգացվում:
Տոնական միջոցառումների ծրագիրը մեկնարկեց Էջմիածնի հիմնադրման 2704-ամյակին նվիրված հանդիսավոր նիստով: Ողջույնի խոսքում ՀՀ վարչապետ Նիկոլ Փաշինյանն ասաց. «Ես ուզում եմ ընդգծել, որ արդի իմաստով, քաղաքական իմաստով Էջմիածինը ևս մեկ շրջադարձային նշանակություն ունեցող իրադարձության կենտրոն դարձավ: Եվ ես դա շատ սիմվոլիկ եմ համարում, որ այդ հազարմյա պատմության ընթացքում այս կարևոր, իհարկե, իր մասշտաբներով գուցե ոչ այնքան մեծ, բայց բովանդակությամբ գուցե շրջադարձային իրադարձություն տեղի ունեցավ, և երրորդ հանրապետության պատմության մեջ առաջին անգամ Հայաստանում ընտրվեց կին քաղաքապետ: Ես սա նույնպես շատ կարևոր իրադարձություն եմ համարում և հույս ունեմ, որ այս իրադարձությունը նույնպես մեր երկրում ունենալու է շրջադարձային հետևանքներ: Հայաստանի Հանրապետությունում կանանց ներգրավումը պետական կառավարման գործում, քաղաքական գործընթացներում, հանրային կյանքում պիտի ավելի ու ավելի մեծ մասշտաբներ ունենա, և դա պետք է իր ազդեցությունն ունենա Հայաստանի զարգացման գործում»:
Էջմիածնի քաղաքապետ Դիանա Գասպարյանը հայտարարեց, որ քաղաքի տոնի առիթով Էջմիածնում կսկսի գործել միջքաղաքային տրանսպորտ: Հենց այդ առիթով Էջմիածին քաղաքի բարեկամ կոչում շնորհվեց Հայաստանում Ֆրանսիայի արտակարգ և լիազոր դեսպան Ժոնաթան Լաքոտին: Ֆրանսիայի Նիս քաղաքն է Էջմիածնին նվիրել ավտոբուսներ:
Դիանա Գասպարյանը, շնորհավորելով էջմիածինցիներին, ասաց. «Մեզ բոլորիս միավորում է այն գիտակցությունը և այն հպարտությունը, որ մենք համայն հայության հոգևոր կենտրոնի բնակիչն ենք և մեզ բոլորիս միավորում է մեկ հանգամանք՝ նվիրումն ու սերը մեր սիրելի քաղաքին»:
Էջմիածնի քաղաքապետը ուղերձ հղեց համաքաղաքացիներին՝ լինել միասնական և նշեց, որ երկիրը, քաղաքը սիրելու միակ տարբերակը յուրաքանչյուրն իր ոլորտում լուռ իր աշխատանքը կատարելն է:
22:09
19 08 2025
Օգոստոսի 18-ին Վարդենիսի համայնքապետարանում տեղի ունեցավ «Քաղաքապետերի դաշնագիր՝...
21:36
19 08 2025
Օգոստոսի 18-ին Մարտունու համայնքապետարանում տեղի ունեցավ «Քաղաքապետերի դաշնագիր՝...
20:02
19 08 2025
Օգոստոսի 18-ին «Քաղաքապետերի դաշնագիր՝ Արևելք» ծրագրի կողմից պարգևատրվեցին «ԵՄ...
15:11
19 08 2025
Սևան համայնքում օգոստոսի 18-ին «Քաղաքապետերի դաշնագիր՝ Արևելք» ծրագրի կողմից...
14:53
15 07 2025
Հուլիսի 15-ին, «ԴաբլԹրի բայ Հիլթոն» հյուրանոցի «Փարիջի» սրահում տեղի...
15:36
09 06 2025
2025 թվականի հունիսի 10-ից մինչև 12-ը նշվող ԵՄ Կայուն էներգիայի շաբաթվա (EU Sustainable Energy...
22
Nov
26
Oct
25
Oct