Անցկացվել է «ՀՀ-ում վարչատարածքային փոփոխություններ» թեմայով քննարկում
14.12.2020
Դեկտեմբերի 14-ին Հայաստանի համայնքների միության նախաձեռնությամբ անցկացվել է «ՀՀ-ում վարչատարածքային փոփոխություններ» թեմայով քննարկում: Քննարկմանը մասնակցել են Հայաստանի համայնքների ղեկավարներ, համայնքային ծառայողներ:
ՀՀ կառավարությունը հանրային քննարկման է դրել «Հայաստանի Հանրապետության վարչատարածքային բաժանման մասին» օրենքում փոփոխություններ և լրացումներ կատարելու մասին օրենքի նախագիծը:
Այն տեղադրված է e-draft համակարգում: Հասանելի է հետևյալ հղմամբ https://www.e-draft.am/projects/2902:
Նախագծով նախատեսվում է համայնքների միավորում Արագածոտնի, Արարատի, Արմավիրի, Լոռու, Կոտայքի, Շիրակի մարզերում:
Նախագծով նախատեսված է 186 համայնքի միավորում, ինչի արդյունքում ձևավորվելու է թվով 11 համայնք:
Հեռավար քննարկման ընթացքում համայնքների ղեկավարները, ներկայացուցիչները, Հայաստանի համայնքների միության նախագահ Էմին Երիցյանը քննարկել են համայնքների միավորման նպատակահարմարության և միավորման գործընթացին առնչվող հարցեր: Համայնքի ղեկավարներն իրենց ելույթներում հատկապես կարևորել են միավորման գործընթացի հետ կապված համայնքի բնակիչների ձայնը լսելու իրավունքի ապահովումը և որոշումների կայացման հարցում ազգաբնակչության կարծիքի վրա հիմնվելը:
Նրանցից շատերը հարց են բարձրացրել՝ ի՞նչ տրամաբանությամբ և ի՞նչ նպատակահարմարությամբ են որոշվել միավորվող փնջերը, արդյոք նպատակահարմա՞ր է նման իրավիճակում այդ փոփոխություններին գնալը:
Առաջարկ է հնչել ստեղծել մի գնահատող մարմին, որը կգնահատի արդեն խոշորացված համայնքների դրական և բացասական կողմերը:
Դիտարկումներ են եղել այն առիթով, որ օրինակ, ապակենտրոնացումը, որը պետք է ուղեկցեր խոշորացմանը, տեղի չի ունեցել:
Քննարկման ավարտին պայմանավորվածություն է ձեռք բերվել շարունակել նման քննարկումների կազմակերպումը և արդեն հանդես գալ համայնքների միասնական ձայնով:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ