Տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության համակարգող խմբի հանդիպումը
09.10.2020
Հոկտեմբերի 9-ին տեղի ունեցավ Տեղական ժողովրդավարության եվրոպական շաբաթ (ELDW) նախաձեռնության համակարգող խմբի հանդիպումը՝ ազգային համակարգողների մասնակցությամբ: Վեբինարն անցկացվեց «ELDW-ն թվային ժամանակաշրջանում» խորագրով:
Վեբինարի մոդերատորն էր ԵԽ Համագործակցության և արտաքին կապերի բաժնի ղեկավար Դմիտրի Մարչենկովը:
Հանդիպման ընթացքում մասնակիցներին ողջունեց Եվրոպայի խորհրդի տեղական և տարածքային իշխանությունների կոնգրեսի գլխավոր քարտուղար Անդրեաս Կիֆերը:
Ներկայացվեց նաև Կոնգրեսի կողմից պատրաստված «COVID-19. Արձագանք տեղական և տարածքային մակարդակում» հանգույցը: Այն տեղեկատվական հարթակ է, որտեղ ներկայացված է անդամ երկրների լավագույն փորձը տեղական և տարածքային մակարդակում համավարակի արագ արձագանքման մեխանիզմների վերաբերյալ:
Այնուհետև ազգային համակարգողների ներկայացուցիչները ներկայացրին տեղական և տարածքային իշխանությունների մասնակցության հաջողված օրինակներ իրենց երկրներում: Հայաստանի համայնքների միության գործադիր տնօրենի տեղակալ Արաքս Միքայելյանը ներկայացրեց Տեղական ժողովրդավարության շաբաթ-2020-ի շրջանակներում Միության և համայնքների կողմից իրականացված միջոցառումները՝ հատկապես COVID-19-ի համատեքստում:
Վեբինարի ավարտին մասնակիցների շրջանում քննարկում ծավալվեց 2020-2021 թվականին անցկացվելիք Տեղական ժողովրդավարության եվրոպական շաբաթ նախաձեռնության թեմատիկայի վերաբերյալ: Մտքեր փոխանակվեցին կայուն և դիմացկուն համայնքներ, շրջակա միջավայրը և տեղական ժողովրդավարությունը թեմաների հետ կապված:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ