Ապարան համայնքում ստեղծվեց էներգաարդյունավետության շրջանառու նպատակային բյուջետային ֆոնդ
18.05.2020
Մայիսի 18-ին Ապարան համայնքում տեղի ունեցավ ավագանու արտահերթ նիստ: Համայնքի ավագանին ընդունեց Ապարան համայնքի էներգաարդյունավետության շրջանառու նպատակային բյուջետային ֆոնդ (ԷԱՇՖ) ստեղծելու մասին որոշում:
Այս ֆոնդում կկուտակվեն Եվրոպական միության կողմից ֆինանսավորվող «ԵՄ հանուն Հայաստանի կայուն էներգետիկայի» ծրագրի շրջանակներում համայնքում կառուցված արևային կայանների գործարկման արդյունքում ստացված խնայողություններն ու հետագա եկամուտները։ Ֆոնդը՝ շրջանառու մեխանիզմով կֆինանսավորի Ապարան համայնքում այլ էներգախնայողության և վերականգնվող էներգիայի ծրագրեր ու նախաձեռնություններ:
Ծրագիրն իրականացվելու է ԵՄ դրամաշնորհի և Ապարան համայնքի կողմից համաֆինանսավորման միջոցների հաշվին:
Նշենք, որ Ապարանը Հայաստանում առաջին համայնքն է, որն այսպիսի ֆոնդ է ստեղծում:
Ապարանը ԵՄ «Քաղաքապետերի դաշնագիր» նախաձեռնությանը միացել է 2013 թվականին:
Եվրոպական միության կողմից ֆինանսավորվող «ԵՄ հանուն Հայաստանի կայուն էներգետիկայի» ծրագիրը մեկնարկել է 2018 թվականին: Այն իրականացվում է Արթիկ և Ապարան համայնքներում: Ծրագրի գործընկերներն են Էներգախնայողության աջակցման հիմնադրամը, Հայաստանի համայնքների միությունը, Ապարանի համայնքապետարանն ու Արթիկի համայնքապետարանը:
Ծրագրի շրջանակներում ԵՄ-ի աջակցությամբ իրականացվում են վերականգնվող էներգետիկայի խթանման ծրագրեր:
Այս նախագծերի իրականացումը ենթադրում է համայնքներում նոր մշակույթի, առևտրային նոր հարաբերությունների ձևավորում ու զարգացում: Ծրագրի առանձնահատկությունն այն է, որ նախատեսվում է նաև ձևավորել Քաղաքապետերի դաշնագրի նպատակներին ծառայող ԿՈՄՈ հիմնադրամ (COMO ֆոնդ), որտեղ կկուտակվեն ծրագրի արդյունքում ստացված խնայողություններն ու հետագա եկամուտները։ Ապարան համայնքում ստեղծվում է համայնքահեն, ինքնավար արևային էներգիայի արտադրության համակարգ, որը կաշխատի Հայաստանի էլեկտրացանցի հետ զուգահեռ ռեժիմում: Արթիկում կառուցվում է համակարգային արևային ֆոտովոլտային կայան՝ արտադրված էլեկտրաէներգիան Էլեկտրացանցին վաճառելու նպատակով։
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ