Հայաստանի տասնյակ համայնքներ միացել են ԵՄ կայուն էներգիայի շաբաթվան. ավանդաբար անցկացվող էներգիայի օրերը մեկնարկեցին

Հայաստանի տասնյակ համայնքներ միացել են ԵՄ կայուն էներգիայի շաբաթվան. ավանդաբար անցկացվող էներգիայի օրերը մեկնարկեցին

22.06.2020

Հունիսի 22-ին մեկնարկեց ավանդական դարձած ԵՄ Կայուն Էներգիայի շաբաթը: Հայաստանի համայնքներում եռուզեռ է: Համաեվրոպական այս նախաձեռնության շրջանակներում ՀՀ համայնքներն անցկացնում են Էներգիայի օրեր:

COVID-19 պանդեմիայի պատճառով, «Ճգնաժամից դուրս՝ մաքուր էներգիա կանաչ վերականգնման և աճի համար» խորագրով շաբաթն այս տարի կկազմակերպվի վիրտուալ եղանակով: Այս հանգամանքը որոշակիորեն սահմանափակում է շաբաթվա ընթացքում կազմակերպվող միջոցառումների ձևաչափը, սակայն միևնույն ժամանակ հնարավորություն է ընձեռում հանրության իրազեկման և հանրային միջոցառումների ու մրցույթների նորարարական (թվային) մոտեցումների կիրառման համար:

Համայնքներում կիրականացվեն շուրջ 40  միջոցառումներ՝ վեբիներներ, առցանց վիկտորինաներ, նկարչական, լուսանկարչական, տեսանյութերի մրցույթներ, որոշ համայնքներ կպատրաստեն հոլովակներ, որոնց միջոցով կքարոզեն կանաչ զարգացում և էներգաարդյունավետություն:

Հայաստանի համայնքների միության աշխատակազմը և «Քաղաքապետերի դաշնագիր՝ Արևելք» (CoM East) ծրագրի ազգային փորձագետներն այս օրերին Դաշնագրին անդամակցող համայնքներին տրամադրում են տեխնիկական և փորձագիտական աջակցություն Հայաստանում կայուն էներգիայի օրեր կազմակերպելու համար, իրազեկում, կոչ անում նրանց միանալ համաեվրոպական այս շարժմանը:

«Քաղաքապետերի դաշնագիր՝ Արևելք» (CoM East) ծրագիրն իրականացվում է ԵՄ կողմից Արևելյան գործընկերության 6 երկրներում: Հայաստանի 27 համայնքներ միացել են Դաշնագրին: Դաշնագրի ազգային աջակիցներից է Հայաստանի համայնքների միությունը:

Ծրագրի հիմնական նպատակներն են՝ Դաշնագրին անդամակցող համայնքների կարողությունների զարգացում, իրազեկության բարձրացում, տեխնիկական աջակցություն համայնքներին Գործողությունների ծրագրերի մշակման, իրականացման և մշտադիտարկման գործում, շահառուների հետ կապերի ուժեղացում և դոնորների ներգրավումը:

Եվրոպական միության պատվիրակությունը Հայաստանում ողջունում է Հայաստանի համայնքների մասնակցությունը «ԵՄ կայուն էներգիայի շաբաթ-2020»-ին: ԵՄ պատվիրակությունը տրամադրել է նվերների փաթեթներ համայնքներում կազմակերպվող մրցույթների հաղթողների համար:

«Քաղաքապետերի դաշնագիր՝ Արևելք» ծրագիրը յուրաքանչյուր համայնքին կփոխանցի Եվրոպական միության պատվիրակության կողմից հատկացված մեկ փաթեթ, որը կշնորհվի համայնքում կազմակերպված մրցույթում (կամ մրցույթներից որևէ մեկում) հաղթած մասնակցին:

Քաղաքապետերի դաշնագիրը ԵՄ առաջին և ամենահավակնոտ նախաձեռնությունն է, որն ուղղակիորեն թիրախավորում է տեղական իշխանություններին և դրանց քաղաքացիներին՝ համաշխարհային կլիմայական փոփոխության դեմ պայքարի ղեկավարումը:

 


ՆՈՐՈՒԹՅՈՒՆՆԵՐ

Քաղաքապետերի դաշնագիր՝ Արևելք ծրագրի և Միության կողմից պարգևներ հանձնվեցին Երևանում
Քաղաքապետերի դաշնագիր՝ Արևելք ծրագրի և Միության կողմից պարգևներ հանձնվեցին Երևանում

13:00

11 08 2020

Օգոստոսի 10-ին Երևան համայնքից «ԵՄ կայուն էներգիայի շաբաթ-2020»-ի շրջանակներում...

Պարգևատրման արարողություն՝ Էջմիածնում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից
Պարգևատրման արարողություն՝ Էջմիածնում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից

12:42

11 08 2020

Օգոստոսի 10-ին Էջմիածին համայնքից «ԵՄ կայուն էներգիայի շաբաթ-2020»-ի շրջանակներում...

Պարգևատրման արարողություն՝ Աբովյանում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից
Պարգևատրման արարողություն՝ Աբովյանում. պարգևներ հանձնվեցին «Քաղաքապետերի դաշնագիր Արևելք» ծրագրի և Միության կողմից

12:30

11 08 2020

Օգոստոսի 10-ին Աբովյան համայնքից Աբովյան-իմ քաղաքը«ԵՄ կայուն էներգիայի շաբաթ-2020»-ի...

Օգտակար հրատարակություններ ՏԻՄ-երի համար՝ UCLG-ի և գործընկեր կազմակերպությունների կողմից՝ հաղթահարելու համավարակի բացասական հետևանքները
Օգտակար հրատարակություններ ՏԻՄ-երի համար՝ UCLG-ի և գործընկեր կազմակերպությունների կողմից՝ հաղթահարելու համավարակի բացասական հետևանքները

23:39

09 08 2020

Միավորված քաղաքների ու տեղական իշխանությունների համաշխարհային կազմակերպությունը (UCLG) և...

ԵՄ կայուն էներգիայի շաբաթ 2020. Ալավերդի համայնքից պարգևատրվեց Կարինե Սիմոնյանը
ԵՄ կայուն էներգիայի շաբաթ 2020. Ալավերդի համայնքից պարգևատրվեց Կարինե Սիմոնյանը

20:43

08 08 2020

Ալավերդի համայնքից «ԵՄ կայուն էներգիայի շաբաթ-2020»-ի շրջանակներում անցկացված...

ԵՄ կայուն էներգիայի շաբաթ. պարգևատրման արարողություն՝ Ախթալայում
ԵՄ կայուն էներգիայի շաբաթ. պարգևատրման արարողություն՝ Ախթալայում

17:21

08 08 2020

Օգոստոսի 7-ին Ախթալա համայնքում ԵՄ կայուն էներգիայի շաբաթ 2020-ի շրջանակներում տեղի ունեցավ...