Սպիտակ համայնքը, հանդիսանալով «Քաղաքապետերի դաշնագրի» անդամ, արդեն ավանդական դարձած ԵՄ կայուն էներգիայի շաբաթվա (EU Sustainable Energy Week) շրջանակում հունիսի 11,12,13-ին անցկացրեց մի շարք միջոցառումներ։

Էներգետիկ շաբաթն այս տարի անցկացվում է «Նվազագույն արտանետումներով էներգետիկ լուծումներ մրցունակ Եվրոպայի համար» կարգախոսի ներքո։ Հետևաբար միջոցառումներն անցկացվեցին հիշյալ թեմայի շրջանակում։

«Սպիտակի երիտասարդների տուն» բաց երիտասարդական կենտրոնում անցկացվեցին իրազեկման թեմատիկ դասընթաց, ինտելեկտուալ խաղ, վիկտորինա և լուսանկարչական մրցույթ։

Համայնքի պարային խմբերի կողմից իրականացվեց հետաքրքիր ֆլեշմոբ, որին մասնակցեցին նաև ցանկացողները՝ ֆլեշմոբերի տեսագրությունները տեղադրելով հայտարարության «Մեկնաբանություններ» բաժնում։

«Սպիտակի գեղարվեստի դպրոց կրթադաստիարակչական ուսումնական հաստատություն» ՀՈԱԿ-ում անցկացվեց գեղանկարչական մրցույթ, որին մասնակցեցին նաև ցանկացողները՝ Սպիտակի համայնքապետարանի սոցիալական հարթակում, հայտարարության «Մեկնաբանություններ» բաժնում տեղադրելով սեփական աշխատանքները։

Օրվա ամփոփոփումը «Սպիտակի քաղաքային գրադարան» ՀՈԱԿ-ում էր, որտեղ կազմակերպվեց նկարչական ցուցահանդես։ Ներկայացվեցին նկարչական մրցույթի մասնակիցների աշխատանքները, իսկ ընթերցասրահում անցկացվեց թեմատիկ քննարկում։ Ցուցադրվեց թեմային վերաբերող ուսուցողական տեսահոլովակ։

Մրցույթների հաղթողները համայնքի ղեկավարի կողմից պարգևատրվեցին գեղեցիկ նվերներով։