Ստրասբուրգում հոկտեմբերի 26-28-ն անցկացվող Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) 41-րդ նստաշրջանի ընթացքում ընդունվել է Կիպրոսի մասին զեկույց: Կոնգրեսն ամրագրել է, որ Կիպրոսի վերաբերյալ նախորդ մոնիտորինգային զեկույցում (2016թ.) ամրագրված բացթողումները չեն վերացվել են:

Մասնավորապես տեղական ինքնակառավարման սկզբունքները շարունակում են մնալ չպահպանված ոչ երկրի Սահմանադրության, ոչ էլ կիրառվող օրենքներում:

Զեկույցում ամրագրված է՝ Կիպրոսը շարունակում է մնալ «շատ կենտրոնացած երկիր»:

Կիպրոսում ԵԽ Կոնգրեսի կողմից կատարված մոնիտորինգի արդյունքները ցույց են տալիս, որ տեղական իշխանությունների իրավունքները շարունակում են մնալ սահմանափակ՝ ի հակադրություն եվրոպական ստանդարտների:

Զեկույցում ամրագրված է, որ համայնքների ֆինանսավորումը շարունակում է մեծապես կախված մնալ կառավարության տրանսֆերտներից և դրամաշնորհներից:

Զեկույցում ամրագրված է՝ չեն պահպանվել տեղական ֆինանսների «համարժեքության և համադրելիության» սկզբունքները, որ տեղական իշխանությունները ֆինանսավորվեն իրենց լիազորութուններին և գործառույթներին համապատասխան: Այս սկզբունքը հիմնականում անտեսված է: Գործող համակարգում բացակայում են նաև համապատասխան ֆինանսական «համահարթեցման մեխանիզմները», որոնք թույլ կտան լրացուցիչ միջոցներ հատկացնել անապահով համայնքներին: Այս սկզբունքի բացակայության պատճառով էլ Կիպրոսի շատ փոքր համայնքներ, չունենալով համապատասխան ֆինանսական ռեսուրսներ, չեն կարողանում հոգալ իրենց բնակչության կարիքները: