Ապրիլի 28-ին տեղի ունեցած «Ապագան, որ ուզում ենք-2045» թեմայով առցանց քննարկում-համաժողովին եվրասիական տարածաշրջանի քաղաքապետեր, քաղաքապետերի տեղակալներ, տեղական ինքնակառավարման ոլոտի փորձագետներ քննարկեցին COVID-19  համավարակի տարածման պայմաններում համընդհանուր կառավարմանն առնչվող հարցեր:

Քննարկումն անցկացվեց ՄԱԿ-ի 75-ամյակի կապակցությամբ:

Քննարկմանը մասնակցեցին նաև Հայաստանի համայնքների ղեկավարներ: Քննարկման բանախոսներից էր Հայաստանի համայնքների միության նախագահ, UCLG-ի (Միավորված քաղաքների ու տեղական իշխանությունների համաշխարհային կազմակերպություն) Համաշխարհային խորհրդի անդամ Էմին Երիցյանը: Նա խոսեց համընդհանուր կառավարմանն առնչվող թեմաների մասին՝ համընդհանուր խնդիրներից և թրենդներից, որոնք ազդեցություն ունեն տեղական իշխանությունների աշխատանքի վրա:

Քննարկմանն անդրադարձ կատարվեց այնպիսի հարցերին, ինչպիսիք են տեղական ինքնակառավարման մարմինների դերակատարությունն արագ արձագանման, կառավարման հարցերում:

Առցանց համաժողովների կազմակերպման նախաձեռնությունը ՄԱԿ-ինն է: ՄԱԿ-ի խնդրանքով Միավորված քաղաքների ու տեղական իշխանությունների համաշխարհային կազմակերպությունը (UCLG) համաժողովների արդյունքում կպատրաստի տեղական և տարածաշրջանային ղեկավարների ապագա մարտահրավերների և ապագայի տեսլականի մասին զեկույց: Զեկույցում ներառված կլինի աշխարհի տարբեր ռեգիոնների ներկայացուցիչների և տեղական ինքնակառավարման մարմինների տեսլականն այս հարցերի շուրջ: