Նախարարն ընդունել է KFW բանկի պատվիրակությանը
31.10.2016
ՀՀ տարածքային կառավարման և զարգացման նախարար Դավիթ Լոքյանն այսօր ընդունել է Զարգացման գերմանական բանկի (KFW) պատվիրակությանը` աշխատանքային այցով Հայաստան ժամանած Գերմանական բանկի Վանաձորի կոշտ կենցաղային թափոնների ծրագրի ղեկավար Ալերո Ագբոգհորոմային, ծրագրի ավագ տեխնիկական պատասխանատու Բերնհարդ Շենքին, Բանկի հայաստանյան ներկայացուցիչ Զառա Չատինյանին: Նախարար Դավիթ Լոքյանը բարձր է գնահատել նախարարության և Բանկի միջև առկա համագործակցությունը, մասնավորապես, կոշտ կենցաղային թափոնների ծրագրի շրջանակներում:
Հանդիպմանը զրուցակիցները քննարկել են Վանաձորի կոշտկ ենցաղային թափոնների ծրագրի ընթացքը: Ծրագիրն իրականացվում է հայ-գերմանական ֆինանսական համագործակցության շրջանակում՝ KFW Զարգացման բանկի կողմից տրամադրված աջակցության միջոցով, և ընդգրկում է թափոնների կառավարման`այդ թվում փողոցների սանիտարական մաքրման, աղբահանության, թափոնների օգտահանման, փոխաբեռնման, տեղափոխման և տեղադրման ենթակառուցվածքների և ծառայությունների որակական զգալի փոփոխություններին ուղղված միջոցառումներ: Ծրագիրն ունի ապակենտրոնացված բնույթ. այնը նդգրկում է Լոռու մարզի Վանաձոր և Սպիտակ քաղաքները` հարակից համայնքներով: Բացի այդ, հարևանությամբ գտնվող Տավուշի մարզի Դիլիջան քաղաքը ևս ներառված է ծրագրում։
Հյուրերը, ովքեր Հայաստան են ժամանել Ծրագրի վերջնական գնահատում իրականացնելու նպատակով, ներկայացրել են նախարարին, որ ծրագրի նախապատրաստական փուլն արդեն ավարտվում է, և շուտով կմեկնարկի Ծրագրի իրագործման փուլը: Նախարարը կարևորել է Ծրագրի արագ իրականացումը, ինչպես նաև առաջարկել է թափոնների կառավարման գոտիներում ընդգրկել Ստեփանավան քաղաքը, Թումանյանի խոշորացված համայնքը: Նախարարն ընդգծել է, որ ընդգրկված տարածքների ընդլայնումը միմիայն կնպաստի Ծրագրի իրագործելիությանը: Հանդիպմանը քննարկվել է նաև Տավուշի մարզի կոշտ կենցաղային թափոնների կառավարման համակարգ ստեղծելու հարցը: Բանկի ներկայացուցիչները պատրաստակամություն են հայտնել մշակելու Տավուշի աղբահանության ծրագրի տեխնիկատնտեսական հիմնավորումը:
11:19
26 05 2022
Մայիսի 24-ին Երևանում տեղի է ունեցել Հայաստանի համայնքների միության Ընդհանուր ժողովը:
14:17
25 05 2022
Մայիսի 24-ին Երևանում շարունակվել է Հայաստանի համայնքների միության՝ մարտի 18-ին ընդհատված...
11:21
23 05 2022
Մայիսի 24-ին՝ ժամը 14.00-ին Երևանում՝ Դաբլ Թրի բայ Հիլթոն հյուրանոցում տեղի կունենա Հայաստանի...
11:55
19 05 2022
Եվրոպական հանձնաժողովի «Քաղաքապետերի դաշնագիր՝ Արևելք» ծրագրի կառավարիչ Դարյա...
10:02
19 05 2022
ԵՄ պատվիրակության համագործակցության բաժնի միջազգային համագործակցության պատասխանատու Անդրեա...
11:38
05 05 2022
Մայիսի 17-ին՝ ժամը 9:30, Երևանում՝ «Հոլիդեյ Ինն Երևան» հյուրանոցում (հասցե՝ Ամիրյան...