Արդեն 7-րդ տարին է Արթիկ համայնքը միանում է ԵՄ կայուն էներգիայի շաբաթվան․ անցկացվեցին կայուն էներգիայի օրեր

Արդեն 7-րդ տարին է Արթիկ համայնքը միանում է ԵՄ կայուն էներգիայի շաբաթվան․ անցկացվեցին կայուն էներգիայի օրեր

17.06.2024

Հունիսի 1-ից 10-ն Արթիկ համայնքի 16 մանկապարտեզներում անցկացվել են «Կայուն էներգիա» թեմայով զրույցներ, պարապմունքներ, մարզական միջոցառումներ։ Երեխաներն ինքնատիպ կերպով և իրենց պատկերացումներով ներկայացրել են արևից, քամուց, ջրից ստացվող էներգիայի կարևորությունը։ Անդրադարձ է եղել վերականգնվող էներգետիկ ռեսուրսների լայնատարած օգտագործմանը:

Միջոցառունը միավորել է բոլորին առողջ մրցակցային մթնոլորտում, կայացել են հեծանվային մրցաշարեր։

Արդեն ավանդական դարձած ԵՄ Կայուն էներգիայի շաբաթվան (EU Sustainable Energy Week) նվիրված միջոցառումներն անցկացվել են ԵՄ պետություններում և այլ երկրներում 2024 թվականի մարտից-հունիս ընկած ժամանակահատվածում։

Արդեն յոթ տարի է Արթիկ համայնքը միանում է ԵՄ Կայուն էներգիայի շաբաթվան` ԵՀ «Քաղաքապետերի դաշնագիր` Արևելք» ծրագրի ներքո:

«Քաղաքապետերի դաշնագիր` Արևելք»-ը Եվրոպական միության կողմից ֆինանսավորվող ծրագիր է, որի նպատակն է միավորել և աջակցություն տրամադրել Արևելյան գործընկերության երկրների տեղական ինքնակառավարման մարմիններին` կայուն էներգետիկ և կլիմայական զարգացման սկզբունքների վրա հիմնված քաղաքականության իրականացման նպատակով:

Հունիսի 13-ին Արթիկ համայնքում ամփոփվել են «ԵՄ Կայուն էներգիայի շաբաթը (EU Sustainable Energy Week) 2024» շրջանակներում կազմակերպված «Նվազագույն արտանետումներով էներգետիկ լուծումներ մրցունակ Հայաստանի համար» խորագրով նկարչական ցուցահանդես-մրցույթի արդյունքները։

Արթիկի Յուրի Գագարինի անվան զբոսայգում անցկացվել է «Նվազագույն արտանետումներով էներգետիկ լուծումներ մրցունակ Հայաստանի համար» խորագրով նկարչական ցուցահանդես-մրցույթը։

Ցուցահանդես-մրցույթին մասնակցել են Արթիկ համայնքի ութ համայնքային կազմակերպությունների նկարչական խմբակների ավելի քան 100 սաներ։ Միջոցառումն ուղեկցվել է Արթիկի մշակութային տների պարի խմբակների ելույթներով ու ֆլեշմոբերով:

Ներկայացված գրեթե 100 նկարներից ժյուրին ընտրել է լավագույն 3 աշխատանքները, 13 մասնակից ճանաչվել են հաղթող մի շարք անվանակարգերում:

Նկարչական մրցույթի հաղթողներն են`

Առաջին տեղ` Հասմիկ Տոնոյան «Հառիճի արվեստի կենտրոն» ՀՈԱԿ,

Երկրորդ տեղ` Մարիաննա Ղարիբջանյան` «Փանիկի արվեստի դպրոց» ՀՈԱԿ,

Երրորդ տեղ` Թամարա Հարությունյան` «Նոր Կյանքի արվեստի դպրոց» ՀՈԱԿ։

Նրանց նկարները կներկայցվեն Հայաստանի համայնքների միություն` ազգային մակարդակով մրցանակաբաշխությանը մասնակցելու համար։


ՆՈՐՈՒԹՅՈՒՆՆԵՐ

«Քաղաքապետերի դաշնագիր՝ Արևելք» ծրագրի և Միության կողմից Մարտունիում պարգևատրվել են ԵՄ կայուն էներգիայի շաբաթ-2024-ի մրցույթների հաղթողները
«Քաղաքապետերի դաշնագիր՝ Արևելք» ծրագրի և Միության կողմից Մարտունիում պարգևատրվել են ԵՄ կայուն էներգիայի շաբաթ-2024-ի մրցույթների հաղթողները

22:31

03 07 2024

Մարտունի համայնքում «Քաղաքապետերի դաշնագիր՝ Արևելք» ծրագրի և Հայաստանի համայնքների...

Գավառում Քաղաքապետերի դաշնագիր՝ Արևելք» ծրագրի և Միության կողմից պարգևատրվել են ԵՄ կայուն էներգիայի շաբաթ-2024-ի մրցույթների հաղթողները
Գավառում Քաղաքապետերի դաշնագիր՝ Արևելք» ծրագրի և Միության կողմից պարգևատրվել են ԵՄ կայուն էներգիայի շաբաթ-2024-ի մրցույթների հաղթողները

22:03

03 07 2024

Գավառ համայնքում «Քաղաքապետերի դաշնագիր՝ Արևելք» ծրագրի և Հայաստանի համայնքների...

Մրցանակաբաշխություն՝ Սևան համայնքում․ ԵՄ կայուն էներգիայի շաբաթ-2024
Մրցանակաբաշխություն՝ Սևան համայնքում․ ԵՄ կայուն էներգիայի շաբաթ-2024

21:19

02 07 2024

Սևան համայնքում հուլիսի 2-ին «Քաղաքապետերի դաշնագիր՝ Արևելք» ծրագրի և Հայաստանի...

Ստեփանավան համայնքում ամփոփվեցին նկարչական մրցույթի անդյունքները
Ստեփանավան համայնքում ամփոփվեցին նկարչական մրցույթի անդյունքները

21:15

19 06 2024

ԵՄ Կայուն էներգիայի շաբաթվա (EU Sustainable Energy Week-2024) շրջանակներում Հայաստանի...

Ամփոփելով ԵՄ Կայուն էներգիայի շաբաթը. Սևանում անցկացվեց 14 միջոցառում
Ամփոփելով ԵՄ Կայուն էներգիայի շաբաթը. Սևանում անցկացվեց 14 միջոցառում

20:15

19 06 2024

Արդեն ավանդական դարձած ԵՄ Կայուն էներգիայի շաբաթն (EU Sustainable Energy Week) այս տարի...