Հունիսի 16-23-ն ընկած ժամանակահատվածում տեղական ինքնակառավարման մարմինների քաղաքական բարեվարքության և էթիկայի համայնքի աշխատանքային չորս խմբեր իրականացրին հանդիպումներ: Հանդիպումների ընթացքում պայմանավորվածություն ձեռք բերվեց աշխատանքային ծրագրերի և հետագա գործողությունների առիթով:

Աշխատանքային խմբերից յուրաքաչյուրի ուշադրության կենտրոնում են կոնկրետ խնդիրներ՝ հակակոռուպցիոն քաղաքականություն, հանրային ամբողջականություն, թափանցիկություն և բաց կառավարում, թափանցիկություն պետական գնումների գործընթացում:

12 միավորված համայնքներ և 3 քաղաքներ ներգրավված են աշխատանքային խմբերում, յուրաքանչյուր խմբում ներկայացված են նշված համայնքների ղեկավարներ կամ համայնքի ղեկավարների տեղակալներ, համայնքային ծառայողներ:

Նշենք, որ աշխատանքային խմբերը ձևավորվել են մարտին՝ Եվրոպայի խորհրդի  տեղական և տարածքային իշխանությունների կոնգրեսի (Կոնգրես) կողմից «Հայաստանի համայնքների միաության հզորացում և թափանցիկ, մասնակցային տեղական ինքնակառավարումը Հայաստանում» ծրագրի շրջանակներում: 

Այն իրականացվում է Շվեյցարիայի զարգացման և համագործակցության գործակալության ֆինանսական աջակցությամբ՝ Եվրոպայի խորհրդի Տեղական և տարածքային իշխանությունների կոնգրեսի և Եվրոպայի խորհրդի երևանյան գրասենյակի կողմից՝ Եվրոպայի խորհրդի Հայաստանի համար իրականացվող գործողությունների 2019-2022թթ․ ծրագրի շրջանակներում: