ԵԽ Կոնգրեսը կոչ է անում Թուրքիայի իշխանություններին դադարեցնել համայնքներում կառավարության կողմից վստահելի անձանց նշանակումը և համայնքի ղեկավարների՝ առանց դատարանի վճռի լիազորությունների դադարեցումը

ԵԽ Կոնգրեսը կոչ է անում Թուրքիայի իշխանություններին դադարեցնել համայնքներում կառավարության կողմից վստահելի անձանց նշանակումը և համայնքի ղեկավարների՝ առանց դատարանի վճռի լիազորությունների դադարեցումը

02.03.2022

Փետրվարի 28-ին տեղի է ունեցել Եվրոպայի խորհրդի Տեղական և տարածքայի իշխանությունների կոնգրեսի Մոնիտորինգի հանձնաժողովի հեռավար նիստը:

Մոնիտորինգի հանձնաժողովի նիստի օրակարգային հարցերից էր  Թուրքիայում Տեղական ինքնակառավարման եվրոպական խարտիայի իրականացման հետ կապված մոնիտորինգային զեկույցի քննարկումը: Փաստաթղթում հանձնաժողովը մտահոգություն է հայտնել Թուրքիայում Տեղական ինքնակառավարման ոլորտում հետընթացի հետ կապված: Զեկույցում ամրագրված է. «2019 թվականին Թուրքիայում տեղի ունեցած տեղական ինքնակառավարման մարմինների ընտրություններում մասնակցության տպավորիչ ցուցանիշը (ավելի քան 84%), որն ամենաբարձրներից մեկն է Եվրոպայի խորհրդի անդամ երկրներում, ցույց է տալիս քաղաքացիների մեծ հետաքրքրություն տեղական ինքնակառավարման նկատմամբ։ Այնուամենայնիվ, ընդհանուր առմամբ, Թուրքիայում հետընթաց է գրանցվել տեղական ինքնակառավարման առումով»: Զեկույցում նաև ափսոսանք է հայտնվում այն մասին, որ մարզային ընտրական վարչակազմը ՏԻՄ ընտրություններում հաղթած մի քանի թեկնածուների մերժել է տրամադրել վկայական: Կոնգրեսի Մոնիտորինգի հանձնաժողովի մտահոգության առարկան է դարձել նաև մարզպետի՝ համայնքների գործունեության նկատմամբ վերահսկողական գործառույթների իրականացումը՝ որպես պետական գործակալ և նահանգային գործադիր կոմիտեի նախագահ: Փաստաթղթում ամրագրված է, որ սա հակասում է Խարտիայի սկզբունքներին և նշանակում է վարչական վերահսկողության տեղական իշխանությունների գործունեության և որոշումների նկատմամբ:

Կոնգրեսը Թուրքիայի իշխանություններին հորդորում է դադարեցնել քաղաքապետերի՝ առանց դատարանի որոշումների լիազորությունների դադարեցման ներկայիս պրակտիկան և  հարգել անմեղության կանխավարկածը, ինչպես նաև հարգանք ցուցաբերել ժողովրդավարական ճանապարհով ընտրված պաշտոնյաների համակարգի նկատմամբ: «Թուրքիայի իշխանություններին կոչ ենք անում այլևս չշարունակել այսպես կոչված կառավարական վստահելի անձանց նշանակման պրակտիկան այն քաղաքապետարաններում, որտեղ համայնքի ընտրված ղեկավարների լիազորությունները դադարեցված են»,- նշված է զեկույցում:

Կոնգրեսը նաև կոչ է անում իրավական փոփոխություններ իրականացնել, որպեսզի մարզային իշխանության ղեկավարը իրավասու չլինի խառնվել համայնքային իշխանության գործունեությանը:

Ըստ Մոնիտորինգի հանձնաժողովի զեկույցի՝ վերոնշյալ խնդիրերը լուրջ հարված են հասցնում Թուրքիայում տեղական ժողովրդավարությանը և Թուրքիայի կողմից Տեղական ինքնակառավարման եվրոպական խարտիայի սկզբունքների իրականացմանը:

 

 

 

 


ՆՈՐՈՒԹՅՈՒՆՆԵՐ

«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում
«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում

12:37

07 12 2023

Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...

ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը
ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը

10:04

01 11 2023

Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...

ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը
ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը

13:26

30 10 2023

Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...

ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել
ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել

19:09

26 10 2023

Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...

ԵԽ Կոնգրեսի նոր նախագահ է ընտրվել Մարկ Քուլսը (Բելգիա)
ԵԽ Կոնգրեսի նոր նախագահ է ընտրվել Մարկ Քուլսը (Բելգիա)

16:11

24 10 2023

Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...

Ստրասբուրգում կանցկացվի ԵԽ կոնգրեսի 45-րդ նստաշրջանը
Ստրասբուրգում կանցկացվի ԵԽ կոնգրեսի 45-րդ նստաշրջանը

23:47

22 10 2023

Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...