Հուլիսի 15-ին, «ԴաբլԹրի բայ Հիլթոն» հյուրանոցի «Փարիջի» սրահում տեղի ունեցավ Հայաստանի համայնքների միության վարչության հերթական նիստը։ Նիստին մասնակցում էին վարչության անդամները Հայաստանի բոլոր մարզերից։

Հուլիսի 15-ին, «ԴաբլԹրի բայ Հիլթոն» հյուրանոցի «Փարիջի» սրահում տեղի ունեցավ Հայաստանի համայնքների միության վարչության հերթական նիստը։ Նիստին մասնակցում էին վարչության անդամները Հայաստանի բոլոր մարզերից։
Վարչության նիստի օրակարգում ընդգրկված էին մի շարք ինստիտուցիոնալ և կազմակերպական առանցքային հարցեր, այդ թվում՝
▪️ Վարչության նախագահի ընտրություն
▪️ 2025 թ․ ընթացքում Միության գործունեության առաջնահերթությունների ձևավորում
▪️ Ընդհանուր ժողովի հրավիրման և նիստերի ժամանակացույցի հաստատում
▪️ Աշխատակազմի կառուցվածքի և բյուջեի քննարկում
▪️ Օրենսդրական փոփոխությունների նախաձեռնությունների վերաբերյալ դիրքորոշում
▪️ Միջազգային համագործակցության ծրագրերի ընթացքի ներկայացում

Վարչության նախագահ ընտրվեց Երևանի քաղաքապետ Տիգրան Ավինյանը, ով նիստի մեկնարկին շնորհակալություն հայտնեց վստահության համար և հանդես եկավ բացման խոսքով՝ շեշտելով համայնքների ֆինանսական կայունության, գործընկերային կառավարման և տեղական ժողովրդավարության կարևորությունը։

«Տեղական ինքնակառավարումը ժողովրդավարության հիմնասյուներից է։ Համայնքներին պետք է ընձեռվի ամբողջական հնարավորություն՝ իրենց ապագան որոշելու։ Միությունը պետք է դառնա այդ ձայնի ամրապնդման հարթակ՝ պետական և տեղական կառույցների արդյունավետ համագործակցության հիմքով», — նշեց Տիգրան Ավինյանը։

Նիստի մեկնարկին ողջույնի խոսքով հանդես եկավ ՀՀ տարածքային կառավարման և ենթակառուցվածքների նախարար Դավիթ Խուդաթյանը։

Վարչության նիստի ընթացքում հաստատվեց վարչության աշխատանքային օրացույցը։

Նիստը եզրափակվեց մինչև 2025 թ․ ավարտը մշակվելիք և հաստատման ենթակա ռազմավարական և կանոնակարգային փաստաթղթերի ցանկի քննարկմամբ։