Վեբինար և Փարաքար համայնքի ղեկավարի տեղակալի հետ առցանց հանդիպում՝ Գեղարքունիքի երիտասարդների համար

Վեբինար և Փարաքար համայնքի ղեկավարի տեղակալի հետ առցանց հանդիպում՝ Գեղարքունիքի երիտասարդների համար

25.05.2020

Մայիսի 23-24-ին կազմակերպվեց առցանց աշխատաժողով վեբինար՝ Գեղարքունիքի մարզի երիտասարդների համար: Վեբինարն անցկացվեց «Ազատ քաղաքացի» քաղաքացիական նախաձեռնությունների աջակցման կենտրոնի կողմից՝ Վիշեգրադի միջազգային հիմնադրամի (Սլովակիա) աջակցությամբ ընթացող «Վ4-ը հանուն ՏԻՄ-երում երիտասարդների ներգրավման» ծրագրի շրջանակներում: 

Ծրագրի նպատակն է զարգացնել երիտասարդ քաղաքացիական ակտիվիստների կարողությունները ՏԻՄ-երի գործունեության մեջ ներգրավման, դրանց մշտադիտարկման եւ վերահսկողության գործում, բարձրացնել նրանց իրազեկվածությունը Եվրոպական կառույցների, ինստիտուտների եւ Հայաստանում իրագործվող դրանց ծրագրերի վերաբերյալ, այդ թվում՝ Եվրամիության, Եվրոպայի խորհրդի, Արեւելյան գործընկերության, Վիշեգրադ-4 ձեւաչափի: Հայաստանի համայնքների միության հետ համագործակցաբար արդեն անցկացվել են 17 աշխատաժողովներ: Գեղարքունիքի երիտասարդների համար անցկացված վեբինարը վերջինն էր: Մասնակցեցին 16-30 տարեկան 28 երիտասարդներ տարբեր բնակավայրերից, որոնք հետաքրքրված են սեփական համայնքների անցուդարձով, դրանց զարգացման, ռեսուրսների կառավարման եւ ՏԻՄ գործունեության հարցում: Վեբինարի ընթացքում տեղի ունեցավ երիտասարդների առցանց հանդիպում Փարաքար համայնքի երիտասարդ ղեկավարի տեղակալ Գոռ Սարիբեկյանի հետ: Նա ներկայացրեց ՏԻՄ-ում ներգրավվելու՝ իր մոտիվացիան, նախընտրական արշավը, ինչպես նաեւ համայնքի ներկայիս զարգացման ծրագրերը: Նա նաեւ պատասխանեց վեբինարի մասնակիցների հարցերին:Աշխատաժողովին քննարկվեցին նաեւ համայնքային այնպիսի խնդիրներ, որոնք մասնակիցները համարեցին առավել արդիական եւ կարեւոր իրենց տարածաշրջանի համար.

– Համայնքների խոշորացման խնդիր.

– Երիտասարդության ցածր իրազեկվածությունը եւ ներգրավվածությունը համայնքների կյանքին ու տեղական ինքնակառավարմանը.

– Համայնքներում ենթակառուցվածքների զարգացման ցածր մակարդակը.

Ծագրի շրջանակներում «Ազատ քաղաքացի» քաղաքացիական նախաձեռնությունների աջակցման կենտրոնի գործընկերներն են ԳԼՈԲՍԵԿ (GLOBSEC – Գլոբալ անվտանգություն, Սլովակիա), ՍԱԼՏՈ Երիտասարդության Արեւելյան Եվրոպայի եւ Կովկասի ռեսուրսներ (SALTO, Լեհաստան), ԱԳՈՐԱ (AGORA, Չեխիայի Հանրապետություն), Բուդապեշտի Քաղաքականությունների վերլուծության ինստիտուտ (BIPA, Հունգարիա), Հայաստանի համայնքների միություն:

 


ՆՈՐՈՒԹՅՈՒՆՆԵՐ

Սեմինար-վերապատրաստումներ համայնքի ղեկավարների, ավագանու անդամների և համայնքային ծառայողների համար
Սեմինար-վերապատրաստումներ համայնքի ղեկավարների, ավագանու անդամների և համայնքային ծառայողների համար

14:38

24 09 2020

Հայաստանի համայնքների միությունը Վիշեգրադի միջազգային հիմնադրամի աջակցությամբ իրականացնում է...

ԵԽ Կոնգրեսը կոչ է անում տեղական իշխանություններին աջակցել երիտասարդական աշխատանքին և երկխոսության մեջ լինել նրանց հետ
ԵԽ Կոնգրեսը կոչ է անում տեղական իշխանություններին աջակցել երիտասարդական աշխատանքին և երկխոսության մեջ լինել նրանց հետ

10:16

18 09 2020

Եվրոպայի խորհրդի տեղական և տարածքային իշխանությունների կոնգրեսն (ԵԽ Կոնգրես) Ընթացիկ հարցերի...

Եվրոպայի խորհրդի կոնգրեսի հանձնաժողովները վերսկսում են հանդիպումները
Եվրոպայի խորհրդի կոնգրեսի հանձնաժողովները վերսկսում են հանդիպումները

11:39

15 09 2020

Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) վերսկսում է...

Տեղի կունենա «Էներջի Սիթիզ» կազմակերպության ընդհանուր ժողովը
Տեղի կունենա «Էներջի Սիթիզ» կազմակերպության ընդհանուր ժողովը

15:12

14 09 2020

Սեպտեմբերի 17-ին տեղի կունենա «Էներջի Սիթիզ» կազմակերպության ընդհանուր ժողովը: Այն...

Քննարկվեցին Հայ-ֆրանսիական ապակենտրոնացված համագործակցության 4-րդ համաժողովի անցկացմանն առնչվող հարցեր
Քննարկվեցին Հայ-ֆրանսիական ապակենտրոնացված համագործակցության 4-րդ համաժողովի անցկացմանն առնչվող հարցեր

11:55

08 09 2020

Սեպտեմբերի 7-ին տեղի ունեցավ Հայ-ֆրանսիական ապակենտրոնացված համագործակցության ղեկավար կոմիտեի...