«Այսօր անձի գիտակցության, իսկական  քաղաքացիական պահվածքի խնդիր ունենք». Նոր կյանք համայնքի ղեկավար

«Այսօր անձի գիտակցության, իսկական քաղաքացիական պահվածքի խնդիր ունենք». Նոր կյանք համայնքի ղեկավար

01.04.2020

Հայաստանի համայնքների միությունը «Համայնքներն արտակարգ դրության ժամանակ» խորագրով նոր նախաձեռնության շրջանակներում ամեն օր հրապարակում է տեղեկություններ ՀՀ համայնքներում տիրող իրավիճակի և համայնքում անցկացվող կանխարգելիչ միջոցառումների մասին: Ներկայացնում ենք, թե ինչ աշխատանքներ են իրականացվում ՀՀ Շիրակի մարզի Նոր կյանք համայնքում:

Մանրամասներ ներկայացրեց համայնքի ղեկավար Արա Սուքիասյանը:

-Այս օրերին համայնքային կյանքն ինչպե՞ս է ընթանում, համայնքի բնակիչները պահպանո՞ւմ են ինքնամեկուսացման կանոնները:

-Արտակարգ դրության պայմաններում համայնքում ստեղծվել է  արտակարգ դրության համայնքային շտաբ, որը ես եմ ղեկավարում: Համայնքի բնակիչները հիմնականում տնից դուրս չեն գալիս. միայն խիստ անհրաժեշտության դեպքում՝ գյուղատնտեսական աշխատանքների կատարում, խանութ, դեղատուն: Ընդհանուր առմամբ՝ պահպանում են կարգը: Ազգաբնակչությունն ըմբռնումով է մոտենում: Ժողովրդին բացատրում ենք, մեր ֆեյսբուքյան էջով էլ ենք ներկայացնում իրավիճակը: Համայնքում չկա կորոնավիրուսով հիվանդ, հուսով ենք՝ չի էլ լինի:

-Ի՞նչ գրաֆիկով է աշխատում համայնքապետարանը:

-Համայնքապետարանի աշխատակիցներն աշխատում են հեռավար կարգով: Սահմանված է այսպես ասած հերթապահություն: Այս պահին ես եմ համայնքապետարանում և մեկ աշխատակից: Խիստ անհրաժեշտության դեպքում ենք մարդկանց հրավիրում աշխատանքի: Հիմնականում տնից են աշխատում: Սահմանափակել ենք համայնքի բնակիչների մուտքը համանքապետարան: Ժողովրդին ասում են՝ կարիք չկա գալ համայնքապետարան՝ զանգով կամ առցանց: Ընդհանուր առմամբ՝ ժողովուրդը համայնքապետարան քիչ է գալիս, քանի որ նոտարը, կադաստրը, անձնագրայինն էլ հիմնականում չեն աշխատում: Դրա համար մենք էլ ազգաբնակչությանն ասում ենք՝ մնացեք տանը, մինչև այս ամենն անցնի:

-Ի՞նչ ախտահանման, կանխարգելիչ աշխատանքներ են իրականացվում համայնքում և ի՞նչ հաճախականությամբ:

-Ախտահանման աշխատանքներ իրականացնում ենք երկու օրը մեկ անգամ՝ համաձայնեցնելով ԱԻՆ մարզային ստորաբաժանման, մարզպետարանի հետ: Ախտահանում ենք համայնքապետարանի շենքը, հարակից տարածքները, ավտոկանգառները, մանկական խաղահրապարկները: Միայն անձրևային օրերին չենք կատարում ախտահանման աշխատանքներ:

-Համայնքն այս օրերին ի՞նչ օգնության կարիք ունի՝ ախտահանման նյութեր, դիմակներ:

-Համայնքապետարանում ունեն քիչ թվով դիմակներ. եթե անձինք կան, որ ի վիճակի չեն ձեռք բերել, մենք նրանց տրամադրում ենք: Հիմա գյուղատնտեական աշխատանքների պահն է: Համայնքն ունի պարարտանյութերի խնդիր, քանի որ Վրաստանում գործարանը չի աշխատում: Գումարը փոխանցել ենք համապատասխան կազմակերպության հաշվին, բայց քանի որ այդ գործարանը փակ է, չի աշխատում, այդ խնդիրն առկա է:

-Ձեր գնահատմամբ՝ Հայաստանի համայնքները պատրա՞ստ են, ունե՞ն բավարար միջոցներ, որպեսզի աշխատեն արտակարգ իրավիճակներում:

-Այստեղ ունենալու-չունենալու խնդիր չկա: Ախտահանելու համար մեծ տեխնիկա պետք չէ. սովորական ախտահանիչներով, սրսկիչներով այդ ամենը կազմակերպում ենք: Իհարկե, ցանկալի կլիներ, որ մեզ էլ, ինչպես արտասահմանում, տեխնիկա տրամադրվեր, բայց մենք այժմ մեր հնարավորության սահմաններում անում ենք այդ աշխատանքները: Կարևորն այստեղ անձի գիտակցությունն է, ավելի շատ մարդկային գործոնի խնդիր: Մարդու գիտակցության, իսկական  քաղաքացիական պահվածքի խնդիր ունենք այսօր:


ՆՈՐՈՒԹՅՈՒՆՆԵՐ

«Տեղական իշխանությունների դերակատարությունը միշտ է աճելու». Սանկտ Պետերբուրգի Ֆինլանդսկի շրջանի ղեկավար Վսեվոլոդ Բելիկով
«Տեղական իշխանությունների դերակատարությունը միշտ է աճելու». Սանկտ Պետերբուրգի Ֆինլանդսկի շրջանի ղեկավար Վսեվոլոդ Բելիկով

12:21

05 06 2020

Սանկտ Պետերբուրգի Ֆինլանդսկի շրջանի ղեկավար, Սանկտ Պետերբուրգի Քաղաքապետարանների խորհրդի...

«COVID-19 համավարակը հաղթահարելու համար անհրաժեշտ են միավորված ջանքեր կառավարության բոլոր մակարդակներում». Անդերս Կնապե
«COVID-19 համավարակը հաղթահարելու համար անհրաժեշտ են միավորված ջանքեր կառավարության բոլոր մակարդակներում». Անդերս Կնապե

18:50

04 06 2020

Հունաստանի՝ Եվրոպայի խորհրդի նախարարների կոմիտեի նախագահության կողմից կազմակերպված «Մարդու...

Երկխոսություն քաղաքապետերի և նախարարների միջև. գործողությունների կոորդինացում կլիմայի փոփոխությունների դեմ պայքարում
Երկխոսություն քաղաքապետերի և նախարարների միջև. գործողությունների կոորդինացում կլիմայի փոփոխությունների դեմ պայքարում

16:25

03 06 2020

Միավորված քաղաքների ու տեղական իշխանությունների համաշխարհային կազմակերպության (UCLG) Գործադիր...

Մարզերի երիտասարդների՝ ՏԻՄ-երում ներգրավում և կարողությունների զարգացում. վեբինար և հանդիպում Երևանի ավագանու անդամի հետ
Մարզերի երիտասարդների՝ ՏԻՄ-երում ներգրավում և կարողությունների զարգացում. վեբինար և հանդիպում Երևանի ավագանու անդամի հետ

11:57

02 06 2020

Մայիսի 30-31-ին կազմակերպվեց «Վ4-ը հանուն ՏԻՄ-երում երիտասարդների ներգրավման» ծրագրի...

Վեբինար՝ ՏԻՄ-երի ընտրական համակարգի փոփոխությունների վերաբերյալ
Վեբինար՝ ՏԻՄ-երի ընտրական համակարգի փոփոխությունների վերաբերյալ

18:27

29 05 2020

Հայաստանի համայնքների միության նախաձեռնությամբ մայիսի 29-ին անցկացվեց «ՏԻՄ-երի ընտրական...

Վեբինար և Փարաքար համայնքի ղեկավարի տեղակալի հետ առցանց հանդիպում՝ Գեղարքունիքի երիտասարդների համար
Վեբինար և Փարաքար համայնքի ղեկավարի տեղակալի հետ առցանց հանդիպում՝ Գեղարքունիքի երիտասարդների համար

15:50

25 05 2020

Մայիսի 23-24-ին կազմակերպվեց առցանց աշխատաժողով վեբինար՝ Գեղարքունիքի մարզի երիտասարդների համար:...